യുഎഇയിൽ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. ചിലയിടങ്ങളിൽ മേഘാവൃതമാവും മൂടൽമഞ്ഞും രൂപപ്പെടാൻ സാധ്യതയുണ്ടെന്നും നാഷണൽ സെന്റർ ഓഫ് മെറ്റീരിയോളജി അറിയിച്ചു. രാജ്യത്തിന്റെ തെക്ക് – കിഴക്ക് ഭാഗങ്ങളിലായി സംവഹന മേഘങ്ങൾ രൂപപ്പെടും. ഇത് ഉച്ചയോടെ മഴയായി മാറാനും സാധ്യതയുണ്ടെന്നാണ് വിലയിരുത്തുന്നത്.
രാത്രി അബുദാബിയിൽ 80 ശതമാനവും ദുബായിൽ 65 ശതമാനവും ഈർപ്പമുള്ളതായിരിക്കും. അതേസമയം തലസ്ഥാനത്ത് 41 ഡിഗ്രി സെൽഷ്യസും ദുബായിൽ 43 ഡിഗ്രി സെൽഷ്യസും താപനില ഉയരുമെന്നും കാലാവസ്ഥാ നിരീക്ഷണകേന്ദ്രം അറിയിച്ചു.
