യുഎഇയിൽ മൂടൽ മഞ്ഞ് ശക്തമാവുന്ന സാഹചര്യത്തിൽ അബുദാബി പോലീസ് ഫോഗ് അലർട്ട് പ്രഖ്യാപിച്ചു. ഉച്ചയോടുകൂടി രാജ്യത്തിന്റെ കിഴക്ക് ഭാഗങ്ങളിലായി സംവഹന മേഘങ്ങൾ രൂപപ്പെടും. ഇത് ക്രമേണ മഴയായി രൂപം പ്രാപിക്കാനും സാധ്യതയുണ്ടെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.
മൂടൽമഞ്ഞ് രൂപപ്പെടാൻ സാധ്യതയുള്ള ചില തീര പ്രദേശങ്ങളിൽ രാത്രിയിലും വ്യാഴാഴ്ച രാവിലെയും അന്തരീക്ഷം ഈർപ്പം നിറഞ്ഞതായിരിക്കും. നേരിയതോ മിതമായതോ ആയ കാറ്റ് വീശാനും സാധ്യതയുണ്ട്. അറേബ്യൻ ഗൾഫിലും ഒമാൻ കടലിലും സ്ഥിതി നേരിയതോതിലായിരിക്കുമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.