2023ലെ പൊതു-സ്വകാര്യ മേഖലകളിലെ ഔദ്യോഗിക അവധി ദിനങ്ങൾ പ്രഖ്യാപിച്ച് യുഎഇ. ആദ്യത്തെ പൊതു അവധി പുതുവത്സര ദിനമായിരിക്കും. പിന്നീട് ഏപ്രില് മാസത്തില് ഈദ് അൽ ഫിത്തറിനോട് അനുബന്ധിച്ചും അവധി ലഭിക്കും.
ഇസ്ലാമിക മാസമായ ഷവ്വാലിന്റെ തുടക്കത്തിലാണ് ഈദുൽ ഫിത്തർ എത്തുന്നത്. ഏപ്രിൽ 20 മുതൽ 23 വരെ പ്രതീക്ഷിക്കുന്ന റമദാൻ 29 നും ശവ്വാൽ 3 നും ഇടയിലായിരിക്കും അവധിയെന്ന് മന്ത്രിസഭ സൂചിപ്പിച്ചു. മാസപ്പിറവിയുമായി ബന്ധപ്പെട്ട് ദിവസങ്ങളില് മാറ്റമുണ്ടായേക്കാം. നാല് ദിവസമാണ് അവധി ലഭിക്കുക.
ജൂൺ 27 ചൊവ്വാഴ്ച മുതൽ 30 വെള്ളിയാഴ്ച വരെ അറഫാ ദിനത്തോട് അനുബന്ധിച്ചുളള അവധി ലഭിക്കും. ഒരാഴ്ച നീണ്ടുനിൽക്കുന്ന ഹജ്ജ് തീർത്ഥാടനത്തിന്റെ ഭാഗമായാണ് അവധി. മുസ്ലീം കലണ്ടറിലെ ഏറ്റവും പ്രധാനപ്പെട്ട ദിവസങ്ങളിലൊന്നായ ഈദ് അൽ അദ്ഹയ്ക്ക് ശേഷം അറഫാത്ത് ദിനം നടക്കും. ഇത് ദു അൽ ഹിജ്ജ 10 നും 12 നും ഇടയിൽ വീഴും – ജൂൺ 28 മുതൽ 30 വരെ പ്രതീക്ഷിക്കുന്നു. വാരാന്ത്യഅവധികളും ചേര്ത്ത് ആറ് ദിവസം അവധി സാധ്യതയുണ്ട്.
ഇസ്ലാമിക പുതുവർഷത്തോടനുബന്ധിച്ചുള്ള പൊതു അവധി ജൂലൈ 21 നാണ്. പ്രവാചകൻ മുഹമ്മദ് നബിയുടെ ജന്മദിനമായ സെപ്തംബർ 29 നും പൊതു അവധിയാണ്. നബിദിനത്തോട് അനുബന്ധിച്ച് ശനി, ഞായര് വാരാന്ത്യഅവധിയും ലഭ്യമാകും. ദേശീയ ദിനത്തിന് ഡിസംബർ 2, 3 തീയതികളിലും അവധി പ്രഖ്യാപിച്ചിട്ടുണ്ട്.