ടേക്ക് ഓഫിനിടെ വിമാനത്തിന് തീപിടിച്ച് രണ്ട് പേർ മരിച്ചു. പെറുവിന്റെ തലസ്ഥാനമായ ലിമയിലെ വിമാനത്താവളത്തിലാണ് സംഭവം. ലത്താം എയർലൈൻസ് വിമാനമാണ് ടേക്ക് ഓഫിനിടെ ഫയർ എഞ്ചിനിലിടിച്ച് അപകടത്തിൽപ്പെട്ടത്. ഫയർ എഞ്ചിനിലുണ്ടായിരുന്ന അഗ്നിശമനസേനയിലെ രണ്ട് ജീവനക്കാരാണ് മരിച്ചത്. സംഭവത്തിൽ എയർലൈൻസ് അന്വേഷണം പ്രഖ്യാപിച്ചിട്ടുണ്ട്.
അപകടം നടന്ന ഉടൻതന്നെ രക്ഷാപ്രവര്‍ത്തനം ആരംഭിച്ചിരുന്നു. വിമാനത്തിലുണ്ടായിരുന്ന യാത്രക്കാരും മറ്റ് ജീവനക്കാരും സുരക്ഷിതരാണ്. 102 യാത്രക്കാരായിരുന്നു വിമാനത്തില്‍ ഉണ്ടായിരുന്നത്. അതിൽ അപകടത്തിൽപ്പെട്ട 20 യാത്രക്കാരെ ആശുപത്രിയിൽ പ്രവേശിപ്പിച്ചതായും ആരോഗ്യനില നിരീക്ഷിച്ച് വരുന്നതായും പെറു ആരോഗ്യ മന്ത്രാലയം അറിയിച്ചു. അഗ്നിശമന സേനാംഗങ്ങളുടെ മരണത്തിൽ പെറു പ്രസിഡന്റ് പെഡ്രോ കാസ്റ്റില്ലോ അനുശോചനം അറിയിച്ചു.
In PERU ????????
A #LATAM Airlines plane taking off from Lima’s international airport struck a firetruck on the runway and caught fire on Saturday. Authorities said the plane’s passengers and crew were all safe, but two firefighters in the truck were killed. #Twitter #latamperu pic.twitter.com/ErXhhwvwZ5
— -????????|????????- (@KINGDEMANACATOS) November 19, 2022
