യുഎസിൽ 2024 ഇൽ നടക്കുന്ന തിരഞ്ഞെടുപ്പിൽ മത്സരിക്കുമെന്ന് മുൻ പ്രസിഡന്റ് ഡോണൾഡ് ട്രംപ് സൂചന നൽകി. ടെക്സസിൽ നടത്തിയ റാലിയിൽ പ്രസംഗിക്കവേയാണ് ട്രംപ് ഇക്കാര്യം സൂചിപ്പിച്ചത്. അതേസമയം കഴിഞ്ഞ തിരഞ്ഞെടുപ്പിൽ നേരിട്ട പരാജയം അംഗീകരിക്കാൻ ഇതുവരെ ട്രംപ് തയ്യാറായിട്ടില്ല.
രണ്ട് തവണ മത്സരിച്ചപ്പോഴും വൻ വിജയമായിരുന്നു ലഭിച്ചത്. 2016 ലെ മത്സരത്തിൽ നിന്നും ലഭിച്ചതിനേക്കാൾ ദശലക്ഷം വോട്ടുകളാണ് 2020 ലെ തിരഞ്ഞെടുപ്പിൽ ട്രംപ് നേടിയത്. കൂടാതെ രാജ്യത്തിന്റെ തന്നെ ചരിത്രത്തിൽ ഏറ്റവും കൂടുതൽ വോട്ട് നേടുന്ന പ്രസിഡന്റ് ആയി ട്രംപ് മാറുകയും ചെയ്തു.
അത്തരത്തിൽ തന്നെ രാജ്യത്തിന്റെ മഹത്വത്തിനും വിജയത്തിനും വേണ്ടി ഒരിക്കൽ കൂടി അത് ചെയ്യേണ്ടിവരുമെന്ന് ട്രംപ് പ്രസംഗത്തിലൂടെ സൂചിപ്പിച്ചു. കഴിഞ്ഞ തിരഞ്ഞെടുപ്പിൽ കാപിറ്റോൾ ഹിൽ കലാപത്തിൽ പങ്കുണ്ടെന്നാരോപിച്ച് ഹൗസ് സെലക്ട് കമ്മിറ്റി ആഞ്ജാപത്രം കൈമാറിയിരുന്നു. ഇതിന് പിന്നാലെയാണ് ട്രംപ് ഇക്കാര്യം പരാമർശിച്ചത്.