കാസര്‍ഗോഡേക്കുള്ള വന്ദേ ഭാരത് ട്രെയിനിന്റെ സമയ ക്രമത്തില്‍ മാറ്റം വരുത്തി ദക്ഷിണ റെയില്‍വേ. മെയ് 19 മുതലുള്ള സര്‍വീസുകളിലാണ് സമയക്രമത്തില്‍ മാറ്റം വരുന്നത്.
തിരുവനന്തപുരത്ത് നിന്ന് കാസര്‍ഗോഡേക്ക് പോകുന്ന വന്ദേ ഭാരത് എക്‌സ്പ്രസിന്റെ കൊല്ലം, കോട്ടയം, എറണാകുളം തൃശൂര്‍ സ്‌റ്റേഷനുകളില്‍ എത്തിച്ചേരുന്ന സമയത്തിലും പുറപ്പെടുന്ന സമയത്തിലുമാണ് മാറ്റമുണ്ടാവുക.
കൊല്ലത്ത് രാവിലെ 6.07ന് എത്തിച്ചേരുന്ന കാസര്‍ഗോഡേക്കുള്ള വന്ദേഭാരത് എക്‌സ്പ്രസ് 6.08 നായിരിക്കും എത്തുക. 6.10ന് കൊല്ലത്ത് നിന്ന് പുറപ്പെടും. കോട്ടയത്ത് 7.25ന് പകരം 7.24 നായിരിക്കും ട്രെയിന്‍ എത്തിച്ചേരുക. കോട്ടയത്ത് നിന്ന് 7.27 ന് കോട്ടയത്ത് നിന്ന് പുറപ്പെടും.
നിലവിലെ സമയത്തേക്കാള്‍ എട്ട് മിനുട്ടുകള്‍ വൈകി ആയിരിക്കും എറണാകുളത്ത് ട്രെയിന്‍ എത്തിച്ചേരുക. ഇപ്പോള്‍ 8.17നെത്തുന്ന ട്രെയിന്‍ എറണാകുളത്ത് എത്തിച്ചേരുമ്പോള്‍ 8.25 നാണ് എത്തുക. ഇവിടെ നിന്ന് പുറപ്പെട്ട് തൃശൂരില്‍ 9.22 നായിരുന്നു എത്തിച്ചേര്‍ന്നിരുന്നത്. ഇനി 9.30 ന് ട്രെയിന്‍ തൃശൂര്‍ എത്തും. അതേസമയം തിരുവനന്തപുരത്ത് നിന്ന് പുറപ്പെടുന്ന സമയത്തിലും കാസര്‍ഗോഡ് എത്തിച്ചേരുന്ന സമയത്തിലും മാറ്റമുണ്ടാകില്ല.
