ആടുതോമ ആരാധകർക്ക് ആവേശമായി സ്ഫടികം ട്രെയിലർ പുറത്ത്. ഇന്ന് വൈകീട്ട് 8.30 ഓടെ മാറ്റിനീ നൗ എന്ന യൂട്യൂബ് ചാനലിലാണ് ട്രെയിലർ എത്തിയത്.
മലയാളത്തിലെ എക്കാലത്തെയും മികച്ച മാസ് എൻ്റർടെയിനർ ആയിരുന്നു സ്ഫടികം. ഭദ്രൻ തിരക്കഥയെഴുതി സംവിധാനം ചെയ്ത് ആർ മോഹൻ നിർമിച്ച സ്ഫടികം 1995 ലെ ഏറ്റവും കൂടുതൽ കളക്ഷൻ നേടിയ ചിത്രമായിരുന്നു.
എന്നാൽ അതേവർഷം പുറത്തുവന്ന മഴയെത്തും മുൻപേ, സാദരം, മാന്ത്രികം, നമ്പർ 1 സ്‌നേഹതീരം ബാംഗ്ലൂർ നോർത്ത്, ദി കിംഗ് പോലുള്ള ഹിറ്റ് ചിത്രങ്ങൾക്ക് സ്ഫടികത്തിന്റെ 8 കോടി കളക്ഷൻ ഭേദിക്കാൻ പോയിട്ട് അടുത്തെത്താൻ പോലും കഴിഞ്ഞില്ല. വരുംതലമുറകൾ മിനിസ്‌ക്രീനിൽ മാത്രം കണ്ട സ്ഫടികം, 28 വർഷങ്ങൾക്ക് ശേഷം ബിഗ് സ്‌ക്രീനിൽ വീണ്ടും എത്തിക്കുകയാണ് ഭദ്രൻ. ഫെബ്രുവരി 9ന് ചിത്രം തീയറ്ററുകളിൽ പ്രദർശത്തിനെത്തും.
