കലക്ടറേറ്റ് ധര്ണയില് തന്നെ അപമാനിച്ചന്നെ കല്യാശേരി എംഎല്എ എം വിജിന്റെ പരാതിയില് വിശദീകരണവുമായി എസ് ഐ ഷമീല്. എംഎല്എ ആണെന്ന് മനസിലായില്ലെന്നും നഴ്സംഗ് അസോസിയേഷന് ഭാരവാഹിയാണെന്നാണ് കരുതിയതെന്നുമാണ് എസ്ഐ ഷമീലിന്റെ വിശദീകരണം. മൈക്ക് പിടിച്ചുവാങ്ങിയത് കലക്ട്രേറ്റ് വളപ്പില് വിലക്കുള്ളതുകൊണ്ടാണെന്നും എസ് ഐ വിശദീകരിച്ചു.
എം വിജിന്റെ പരാതി അന്വേഷിക്കുന്ന എസിപി ടികെ രത്നകുമാറിന്റെ മുമ്പിലാണ് എസ് ഐ മൊഴി നല്കിയത്. എസ് ഐ സുരക്ഷാവീഴ്ച മറച്ചുവെക്കാന് ശ്രമിച്ചെന്നും നടപടി വേണമെന്നുമാണ് എം.എല്.എ ആവശ്യപ്പെടുന്നത്.
കേരള ഗവ. നഴ്സസ് അസോസിയേഷന് (കെ ജി എന് എ) വ്യാഴാഴ്ച നടത്തിയ കലക്ട്രേറ്റ് ധര്ണയ്ക്കിടെയാണ് ടൗണ് എസ് ഐ പി പി ഷമീല് തന്നെ അപമാനിച്ചെന്ന് എം വിജിന് എം എല് എ പറഞ്ഞത്. എസ്ഐയും വിജിനും തമ്മില് സംഭവ സ്ഥലത്ത് വെച്ച് വാക്കേറ്റമുണ്ടായിരുന്നു.