സജി ചെറിയാൻ വീണ്ടും മന്ത്രിസഭയിലേക്ക് തിരികെ എത്തിയേക്കും. ഇത് സംബന്ധിച്ച ആലോചനകൾ സിപിഐഎമ്മിൽ സജീവമാണ്. ഇന്ന് ചേരുന്ന സിപിഐഎം സംസ്ഥാന സെക്രട്ടറിയേറ്റ് യോഗം ഇക്കാര്യം ചര്ച്ച ചെയ്യും. ഭരണഘടനയെ അവഹേളിച്ചെന്ന കേസില് സജി ചെറിയാനെ എംഎല്എ സ്ഥാനത്ത് നിന്നും അയോഗ്യനാക്കണമെന്ന് ആവശ്യപ്പെട്ടുള്ള ഹര്ജി കഴിഞ്ഞ ദിവസം ഹൈക്കോടതി തള്ളിയതിന് പിന്നാലെയാണ് സിപിഐഎമ്മിന്റെ നീക്കം.
എംഎല്എയെ അയോഗ്യനാക്കണമെന്ന് പറയുന്ന നിയമത്തിലെ വ്യവസ്ഥ ഏതാണെന്നായിരുന്നു ഹൈക്കോടതിയുടെ ചോദ്യം. പ്രഥമ ദൃഷ്ട്യാ ഹര്ജികള് നിലനില്ക്കില്ലെന്നും കോടതി വിശദീകരിച്ചു. നിയമ പ്രശ്നം സംബന്ധിച്ച് റിപ്പോര്ട്ട് തിങ്കളാഴ്ച സമര്പ്പിക്കാന് എ ജി യോട് കോടതി ആവശ്യപ്പെട്ടിട്ടുണ്ട്. സജി ചെറിയാനെ അയോഗ്യനാക്കി ക്വാ വാറണ്ടോ പുറപ്പെടുവിക്കണമെന്നും കേരളത്തില് രാഷ്ട്രപതി ഭരണം ഏര്പ്പെടുത്തണമെന്നുമായിരുന്നു രണ്ട് ഹര്ജികളിലെ ആവശ്യം.