തിരുവനന്തപുരം: പാർലമെന്റ് തിരഞ്ഞെടുപ്പ് വിജയം അവലോകനം ചെയ്യാൻ കൂടിയ യു.ഡി.എഫ്. ഏകോപനസമിതി യോഗത്തിൽ സംസാരിക്കാൻ അവസരം നൽകിയില്ല എന്നതാണ് രമേശ് ചെന്നിത്തലയുടെ അതൃപ്തിക്ക് കാരണം.
യുഡിഎഫ് യോഗത്തില് ഘടകക്ഷി നേതാക്കള്ക്കുള്പ്പെടെ സംസാരിക്കാന് അവസരം ലഭിച്ചപ്പോഴും തന്നെ മാറ്റിനിർത്തിയതാണ് ചെന്നിത്തലക്ക് നീരസമുണ്ടാക്കിയത്. യോഗത്തിന് ശേഷമുള്ള വിരുന്നിൽ പങ്കെടുക്കാതെയായിരുന്നു അദ്ദേഹത്തിന്റെ മടക്കം.ചെന്നിത്തലയുടെ തിരുവനന്തപുരത്തെ വീട്ടിൽ നേരിട്ടെത്തിയാണ് പ്രതിപക്ഷ നേതാവ് വി ഡി സതീശൻ അനുനയിപ്പിച്ചത്.
ചെന്നിത്തലയുമായി അഭിപ്രായ വ്യത്യാസങ്ങളൊന്നുമില്ലെന്നും സഹോദരബന്ധമാണ് ഉളളതെന്നും വി ഡി സതീശൻ പ്രതികരിച്ചു.