മുന് മുഖ്യമന്ത്രി ഉമ്മന് ചാണ്ടിയുടെ ഭൗതിക ശരീരവുമായി മൃതദേഹം വിലാപയാത്രയായി കോട്ടയം പുതുപ്പള്ളിയിലേക്ക് പുറപ്പെട്ടു. രാവിലെ ഏഴുമണിയോടെയാണ് മൃതദേഹം പുതുപ്പള്ളിയിലേക്ക് പുറപ്പെട്ടത്.
വാഹനം കടന്ന് പോകുന്ന തിരുവനന്തപുരം എംസി റോഡില് ഗതാഗത നിയന്ത്രണം ഏര്പ്പെടുത്തിയിട്ടുണ്ട്. കേശവദാസപുരം, വെഞ്ഞാറമൂട്, കിളിമാനൂര്, കൊട്ടാരക്കര, അടൂര്, പന്തളം, ചെങ്ങന്നൂര്, തിരുവല്ല. ചങ്ങനാശ്ശേരി വഴിയാണ് വിലാപയാത്ര കോട്ടയത്തെത്തും. വൈകുന്നേരം തിരുനക്കര മൈതാനത്ത് പൊതുദര്ശനത്തിന് വെച്ച ശേഷമാണ് രാത്ര പുതുപ്പള്ളിയിലെ കുടുംബ വീട്ടില് എത്തിക്കുക.
വ്യാഴാഴ്ച ഉച്ചയ്ക്ക് രണ്ട് മണിയോടെ വിലാപയാത്രയായി ഭൗതികദേഹം പുതുപ്പള്ളി പള്ളിയിലേക്ക് കൊണ്ടുപോകും. മൂന്ന് മണിയോടെ ശവസംസ്കാരം ശുശ്രൂഷകള് ആരംഭിക്കും. തുടര്ന്ന് സെന്റ് ജോര്ജ് ഓര്ത്തഡോക്സ് പള്ളി സെമിത്തേരിയില് മൃതദേഹം സംസ്കരിക്കും.
തൊണ്ടയിലെ കാന്സര് ബാധയെ തുടര്ന്ന് ദീര്ഘനാളായി ചികിത്സയിലായിരുന്ന ഉമ്മന് ചാണ്ടി ഇന്നലെ പുലര്ച്ചെ 4.25 ഓടെയാണ് അന്തരിച്ചത്. ബെംഗളൂരുവിലെ സ്വകാര്യ ആശുപത്രിയില് വച്ചായിരുന്നു അന്ത്യം. മകന് ചാണ്ടി ഉമ്മനാണ് മരണവാര്ത്ത പുറത്തുവിട്ടത്.
ബെംഗളൂരുവില് സുഹൃത്തിന്റെ വസതിയില് വിശ്രമത്തിലായിരുന്ന ഉമ്മന് ചാണ്ടിക്ക് ദേഹാസ്വാസ്ഥ്യം ഉണ്ടായതിനെ തുടര്ന്ന് ഇന്ദിരാ നഗറിലെ ചിന്മയ മിഷന് ആശുപത്രിയിലേക്ക് എത്തിച്ചു. എന്നാല് പിന്നീട് ആരോഗ്യനില വഷളാവുകയും പുലര്ച്ചയോടെ മരണം സംഭവിക്കുകയുമായിരുന്നു.