സെലിബ്രിറ്റികളെ നേരിൽ കണ്ടാൽ ആളുകൾ ആഹ്ലാദം പ്രകടിപ്പിക്കുന്നത് സാധാരണയാണ്. നേരിൽ കാണുമ്പോൾ പ്രിയപ്പെട്ട താരങ്ങൾക്കൊപ്പം ഫോട്ടോഎടുക്കാറുമുണ്ട്. എന്നാൽ ഇപ്പോൾ സോഷ്യൽ മീഡിയയിൽ വൈറലാവുന്നത് അത്തരമൊരു താരത്തിന്റെ അപരന്റെ വിഡിയോയാണ്. ഖത്തറിൽ നടന്ന ഫിഫ ലോകകപ്പിലെ ബ്രസീൽ-സ്വിറ്റ്സർലൻഡ് മത്സരത്തിനിടയിലാണ് ഈ അപരൻ തിങ്ങി നിറഞ്ഞ ആരാധകർക്ക് മുന്നിൽ പ്രത്യക്ഷപ്പെട്ടത്. കുറച്ചു നേരത്തേക്കാണെങ്കിലും എല്ലാവരും നെയ്മറാണെന്ന് തെറ്റിദ്ധരിച്ചു.
ബ്രസീൽ-സ്വിറ്റ്സർലൻഡ് മത്സരത്തിനിടെയാണ് ഈ അപരൻ സ്റ്റേഡിയത്തിനുള്ളിൽ പ്രത്യക്ഷപ്പെട്ടത്. സാക്ഷാൽ നെയ്മറാണെന്ന് തെറ്റിദ്ധരിക്കുകയ സെൽഫിയെടുക്കുകയും ചെയ്തു. കൂടാതെ നിരവധി ആളുകൾ അയാൾക്ക് ചുറ്റും ആർപ്പുവിളിക്കുകയും ചെയ്തു. എന്നാൽ കൂടുതൽ പേര് തിങ്ങികൂടുകയും ബഹളം വയ്ക്കുകയും ചെയ്തത്തോടെ അദ്ദേഹത്തെ സ്റ്റേഡിയത്തിന് പുറത്തേക്ക് കൊണ്ടുപോയി.
അതേസമയം യഥാർത്ഥ നെയ്മറിന് കണങ്കാലിന് പരിക്കു പറ്റിയതിനാൽ ഹോട്ടൽ മുറിയിൽ നിന്ന് മത്സരം കാണുകയായിരുന്നു. കംപ്രഷൻ ബൂട്ടിൽ കാൽ പൊതിഞ്ഞ് കിടക്കയിൽ വച്ചിരിക്കുന്ന ഫോട്ടോ താരം തന്റെ ഇൻസ്റ്റാഗ്രാമിൽ പോസ്റ്റ് ചെയ്യുകയും ചെയ്തു. നെയ്മറുമായി സാദൃശ്യമുള്ള ഈ വ്യക്തിയുടെ പേര് സോസിയ ഡോണി എന്നാണ്. ഡോണിക്ക് ഇൻസ്റ്റാഗ്രാമിൽ 888,000 ഫോളോവേഴ്സാണ് ഉള്ളത്.