തമിഴ് ചിത്രം അന്നപൂരണിയില് ശ്രീരാമനെ അപഹസിക്കുന്ന പരാമര്ശമുണ്ടെന്ന വിവാദത്തില് മാപ്പ് പറഞ്ഞ് നടി നയന്താര. തന്റെ ഔദ്യോഗിക സോഷ്യല് മീഡിയ അക്കൗണ്ടുകളിലൂടെ ജയ് ശ്രീറാം എന്ന തലക്കെട്ടോടു കൂടിയാണ് നയന്താര ക്ഷമാപണകത്ത് പങ്കുവെച്ചത്. വിശ്വാസിയായ തന്റെ പ്രവൃത്തി ബോധപൂര്വമല്ലെന്നും ആരുടെയും വികാരങ്ങളെ വ്രണപ്പെടുത്താന് ഉദ്ദേശിച്ചിട്ടില്ലെന്നുമാണ് നയന്താര കുറിപ്പില് പറഞ്ഞിരിക്കുന്നത്.
നയന്താരയുടെ കുറിപ്പ് :
അന്നപൂരണി’ എന്ന എന്റെ സിനിമ കഴിഞ്ഞ കുറച്ച് ദിവസങ്ങളായി ചര്ച്ചാവിഷയമായതിനെക്കുറിച്ചാണ് ഞാന് ഈ പ്രസ്താവന നടത്തുന്നത്. ഹൃദയഭാരത്തോടെയും ആത്മാഭിമാനത്തോടെയുമാണ് ഈ കുറിപ്പെഴുതുന്നത്. ‘അന്നപൂരണി’ എന്ന സിനിമയെടുത്തത് വെറുമൊരു കച്ചവട ലക്ഷ്യത്തോടെയല്ല. അതിലുപരി ഒരു നല്ല ആശയം ജനങ്ങളിലേക്ക് എത്തിക്കാനുള്ള ശ്രമമായാണ്. നിശ്ചയദാര്ഢ്യത്തോടെ പോരാടിയാല് എന്തും നേടാം എന്ന രീതിയിലാണ് അന്നപൂരണി സിനിമ ഒരുക്കിയത്.
അന്നപൂരണിയിലൂടെ ഒരു പോസിറ്റീവ് സന്ദേശം പകരാന് ഞങ്ങള് ആഗ്രഹിച്ചെങ്കിലും അത് ചിലരുടെ മനസ്സിനെ വേദനിപ്പിച്ചതായി ഞങ്ങള്ക്ക് തോന്നി. മനപൂര്വമായിരുന്നില്ല അത്. സെന്സര് ബോര്ഡ് സാക്ഷ്യപ്പെടുത്തുകയും തിയേറ്ററില് റിലീസ് ചെയ്യുകയും ചെയ്ത ഒരു സിനിമ ഛഠഠയില് നിന്ന് നീക്കം ചെയ്തത് ഞങ്ങളെ അതിശയിപ്പിച്ചു. ആരുടേയും വികാരം വ്രണപ്പെടുത്താന് എനിക്കും എന്റെ ടീമിനും ഉദ്ദേശമില്ല. കൂടാതെ ഈ വിഷയത്തിന്റെ ഗൗരവം എത്രമാത്രമുണ്ടെന്ന് ഞങ്ങള്ക്കെല്ലാവര്ക്കും അറിയാം
എല്ലാ ആരാധനാലയങ്ങളും സന്ദര്ശിക്കുന്ന ദൈവവിശ്വാസിയായ ഞാന് ഒരിക്കലും മനഃപൂര്വ്വം ഇത് ചെയ്യുമായിരുന്നില്ല. അതിനപ്പുറം, ഏതെങ്കിലും തരത്തില് നിങ്ങളുടെ വികാരങ്ങളെ വ്രണപ്പെടുത്തിയിട്ടുണ്ടെങ്കില് ക്ഷമിക്കണം. മറ്റുള്ളവരെക്കൂടി പ്രോത്സാഹിപ്പിക്കുകയും പ്രചോദിപ്പിക്കുകയും ചെയ്യുക എന്നതാണ് അന്നപൂരണിയുടെ യഥാര്ത്ഥ ലക്ഷ്യം, അല്ലാതെ കുറ്റപ്പെടുത്തലല്ല. പോസിറ്റീവ് ചിന്തകള് പ്രചരിപ്പിക്കാനും മറ്റുള്ളവരില് നിന്ന് നല്ല കാര്യങ്ങള് പഠിക്കാനും മാത്രമാണ് ഈ 20 വര്ഷത്തെ സിനിമാ യാത്രയുടെ ഉദ്ദേശം എന്ന് ഒരിക്കല് കൂടി ഇവിടെ സൂചിപ്പിക്കാന് ആഗ്രഹിക്കുന്നു.
Spread Positivity 👍God Bless😇 pic.twitter.com/vFj6JHdzGp
— Nayanthara✨ (@NayantharaU) January 18, 2024