ഫോബ്സ് പുറത്തുവിട്ട അതിസമ്പന്നരായ മലയാളികളുടെ പട്ടികയിൽ ലുലു ഗ്രൂപ്പ് ചെയര്മാനും മാനേജിങ് ഡയറക്ടറുമായ എം എ യൂസഫലി ഒന്നാമതെത്തി. 12 മലയാളികളികളുടെ പട്ടികയിലാണ് യൂസഫലി ഒന്നാമനായത്. അതേസമയം 2022ലെ സമ്പന്നരുടെ പട്ടികയിൽ ലോകത്തിൽ 514 -ാം സ്ഥാനമാണ് യൂസഫലിക്കുള്ളത്.
5 ബില്യൺ ഡോളർ ആസ്തിയാണ് യൂസഫലിക്കുള്ളത്. മലയാളികളായ ബൈജു രവീന്ദ്രനും ദിവ്യ ഗോകുൽനാഥും 3.4 ബില്യൺ ഡോളർ ആസ്തിയുമായി തൊട്ടുപിന്നിലെ സ്ഥാനങ്ങൾ നേടി. 3 .1 ബില്യൺ ഡോളർ ആസ്തിയുമായി സേനാപതി ഗോപാലകൃഷ്ണനും 2.6 ബില്യൺ ഡോളർ ആസ്തിയുമായി രവി പിള്ളയും 1.8 ബില്യൺ ഡോളർ ആസ്തിയുമായി ജോയ് ആലുക്കാസും ഫോബ്സിന്റെ അതിസമ്പന്നരായ മലയാളികളുടെ ലിസ്റ്റിൽ ഇടം നേടിയിട്ടുണ്ട്.