റീല് കാര്ണിവല് പ്രൊഡക്ഷന്സിന്റെ ബാനറില് സിദ്ധാര്ത്ഥന് ചെറുവണ്ണൂര് ,ഷാബു ഫറോക്ക് ,ന്യൂ വേവ് ഫിലിം സ്കൂള് എന്നിവര് നിര്മ്മിച്ച് സതീഷ് പി ബാബു രചനയും സംവിധാനവും നിര്വഹിച്ച ലാല എന്ന ചിത്രത്തിന്റെ ട്രെയിലര് പുറത്തിറങ്ങി . ഇപ്പോഴും നിലനിൽക്കുന്ന ജാതി-മത വേര്തിരിവുകളും സംവരണങ്ങളുമൊക്കെയാണ് ചിത്രത്തിന്റെ പ്രധാന പ്രമേയം.
പ്രണവ് മോഹന് ,യമുന ചുങ്കപ്പള്ളി ,ഗാര്ഗി ഗംഗന് ,ശ്രീലക്ഷ്മി ഹരിദാസ് തുടങ്ങിയര് പ്രധാന വേഷത്തിൽ അഭിനയിക്കുന്നു. ചിത്രത്തിന്റെ ഛായാഗ്രഹണം നിര്വഹിച്ചിരിക്കുന്നത് പ്രശസ്ത ക്യാമറാമാനും സംവിധായകനുമായ പ്രതാപ് ജോസഫാണ്. ഗാനരചന ഷാബി പനങ്ങാടും സംഗീതം സോണി സായും നിർവഹിച്ചിരിക്കുന്നു.
പ്രബുദ്ധര് എന്ന് സ്വയം വിശേഷിപ്പിക്കുമ്പോഴും ജാതിയുടെ മേല്കീഴ് തട്ടുകള് ,സംവരണം,സ്ത്രീ സമത്വം തുടങ്ങിയ വിഷയങ്ങളോടുള്ള സമൂഹത്തിന്റെ നിലപാടുകളെ വിമര്ശന വിധേയമാക്കുന്ന ഒരു ആവിഷ്കാരമാണ് ചിത്രം. കൂടാതെ ,സ്വയമറിയാതെ തന്നെ അടിമത്വത്തിന്റെ ചങ്ങലകള് ദേഹത്തണിഞ്ഞ് നടക്കുന്ന ഒരു സമൂഹം കൂടിയാണ് നമ്മുടേതെന്നും ലാല പറഞ്ഞു വെക്കുന്നു .
സംഭാഷണങ്ങള്ക്ക് പ്രാധാന്യം നല്കി വളരെ ചുരുങ്ങിയ ചെലവില് നിര്മിക്കപ്പെട്ട ചിത്രം കൂടിയാണ് ലാലാ.