കണ്ണൂര് ട്രെിയിനിന് തീവെച്ച സംഭവത്തില് പിടിയിലായ ആള് നേരത്തെ റെയില്വേ ട്രാക്കിന് സമീപമുള്ളി കുറ്റിക്കാടിന് തീയിട്ടയാള്. ഇയാളുടെ അറസ്റ്റ് ഇന്ന് പൊലീസ് രേഖപ്പെടുത്തും.
സംഭവത്തില് റെയില്വേ നേരത്തെ പൊലീസില് പരാതി നല്കിയിരുന്നെങ്കിലും കാര്യമായ നടപടിയുണ്ടായില്ല. ഫെബ്രുവരി 13നാണ് കണ്ണൂര് റെയില്വേ ട്രാക്കിന് സമീപത്തെ കുറ്റിക്കാടിന് ഇയാള് തീയിട്ടത്.
അതേസമയം സ്റ്റേഷനില് നിര്ത്തിയിട്ട ട്രെയിനിന് തീയിട്ടത് ഇയാളാണോ എന്ന് പൊലീസ് സ്ഥിരീകരിച്ചിട്ടില്ല. എന്നാല് ഇയാളെ കഴിഞ്ഞ ദിവസം റെയില്വേ ട്രാക്കിന് സമീപം കണ്ടതായി ആളുകള് പറഞ്ഞു. ഇതിന്റെ അടിസ്ഥാനത്തിലാണ് ഇയാളെ കണ്ണൂര് ടൗണ് പൊലീസ് കസ്റ്റഡിയില് എടുത്തത്.
ഇന്നലെ പുലര്ച്ചെ ഒന്നരയോടെയാണ് കണ്ണൂര്-ആലപ്പുഴ എക്സിക്യൂട്ടീവിന് തീയിട്ട നിലയില് കണ്ടെത്തിയത്. പ്രതി ബോഗിക്കകത്ത് ശുചിമുറിയിലടക്കം കല്ലുകള് ഇട്ട ശേഷം ബോഗിയിലാകെ ഇന്ധനമൊഴിച്ച് കത്തിക്കുകയായിരുന്നു.
തീയിട്ടതിനെ തുടര്ന്ന് ഒരു കോച്ച് പൂര്ണമായും കത്തി നശിച്ചിരുന്നു. ഫയര്ഫോഴ്സ് എത്തിയാണ് തീ നിയന്ത്രണ വിധേയമാക്കിയത്. കണ്ണൂരില് യാത്ര പൂര്ത്തിയാക്കിയ തീവണ്ടി ആയതിനാല് ആളപായം ഉണ്ടായിട്ടില്ല.