അന്താരാഷ്ട്ര ശ്രദ്ധ നേടി ഗുസ്തി താരങ്ങളുടെ സമരം മുന്നേറുന്നതിനിടെ ഇന്ത്യയ്ക്ക് മുന്നറിയിപ്പുമായി അന്താരാഷ്ട്ര ഗുസ്തി ഫെഡറേഷൻ. 45 ദിവസത്തിനകം ഇനത്യൻ ഗുസ്തി ഫെഡറേഷന്റെ തെരഞ്ഞെടുപ്പ് നടത്തിയില്ലെങ്കിൽ ഇന്ത്യയെ സസ്പെൻഡ് ചെയ്യുമെന്നാണ് മുന്നറിയിപ്പ്
വിഷയത്തിൽ കുറ്റാരോപിതനായ ബ്രിജ് ഭൂഷണെതിരായ അന്വേഷണം നിഷ്പക്ഷമായ രീതിയിൽ നടത്തണമെന്നും അന്താരാഷ്ട്ര റെസ്ലിംഗ് ഫെഡറേഷൻ താക്കീതും നൽകി. രാജ്യത്ത് നടക്കുന്ന സംഘർഷങ്ങൾ ഫെഡറേഷൻ നിരീക്ഷിച്ച് വരികയാണെന്നും സംഘടന അറിയിച്ചു.ലൈംഗികാരോപണ കേസിൽ അന്വേഷണം വേണമെന്നാവശ്യപ്പെട്ട് അന്താരാഷ്ട്ര ഒളിമ്പിക് കമ്മിറ്റിയും രംഗത്തെത്തി.