ബോളിവുഡ് താരം ഹൃത്വിക് റോഷന് വിവാഹിതനാകുന്നുവെന്ന് റിപ്പോര്ട്ട്. നടിയും ഗായികയുമായ സബ ആസാദുമായി ഹൃത്വിക് പ്രണയത്തിലാണെന്നാണ് പുറത്ത് വരുന്ന റിപ്പോർട്ടുകൾ. 2023 നവംബറിലായിരിക്കും വിവാഹമെന്ന് ബോളിവുഡ് വൃത്തങ്ങൾ അറിയിച്ചു.
ഏതാനും മാസങ്ങള്ക്ക് മുന്പാണ് ഹൃത്വിക് സബയുമായി പ്രണയത്തിലാണെന്ന കാര്യം സ്ഥിരീകരിച്ചത്. ഇരുവരും തമ്മിലുള്ള അവധിക്കാല ചിത്രങ്ങളെല്ലാം ആരാധകര്ക്ക് വേണ്ടി ഇവര് പങ്കുവയ്ക്കാറുമുണ്ട്. കൂടാതെ ഇരുവരുടെയും ബന്ധത്തില് കുടുംബാംഗങ്ങളും സുഹൃത്തുക്കളുമെല്ലാം സന്തോഷത്തിലാണെന്നാണ് പുറത്ത് വരുന്ന റിപ്പോര്ട്ടുകള്. എന്നാല് വാര്ത്തയോട് ഇരുവരും ഇതുവരെ പ്രതികരിച്ചിട്ടില്ല.
അതേസമയം സബയും മക്കളോടുമൊത്ത് സ്വിറ്റ്സര്ലന്ഡിലായിരുന്നു ഹൃത്വിക് ക്രിസ്മസ് അവധി ആഘോഷിച്ചത് . ഇവരുമൊത്തുള്ള ചിത്രങ്ങളും നടന് ഇന്സ്റ്റഗ്രാമിലൂടെ പങ്കുവച്ചിരുന്നു. ബാല്യകാല സുഹൃത്തും ഇന്റീരിയര് ഡിസൈനറായ സൂസാനെ ഖാനുമായി ആയിരുന്നു ഹൃത്വികിന്റെ ആദ്യ വിവാഹം. 2000 ല് വിവാഹിതരായ ഇവര് 2014 വേര്പിരിയുകയും ചെയ്തു.