ലോകകപ്പ് കാണാനെത്തുന്ന ഹയാ കാർഡ് ഉടമകൾക്ക് ഖത്തറിലെ മ്യൂസിയങ്ങളിൽ സൗജന്യമായി പ്രവേശിക്കാം. ലോകകപ്പ് നടക്കുന്നതിനാൽ മ്യൂസിയങ്ങളുടെ പ്രവർത്തന സമയവും നീട്ടിയിട്ടുണ്ട്. ഖത്തർ ദേശീയ മ്യൂസിയം, മ്യൂസിയം ഓഫ് ഇസ്‌ലാമിക് ആർട് എന്നിവ ഒഴികെ എല്ലാ മ്യൂസിയങ്ങളിലും ലോകകപ്പ് അവസാനിക്കുന്നതു വരെ ഈ സൗകര്യമുണ്ടായിരിക്കും.
3-2-1 ഖത്തർ ഒളിപിംക് ആൻഡ് സ്‌പോർട്‌സ് മ്യൂസിയം, അൽമതാഫ്-അറബ് മ്യൂസിയം ഓഫ് മോഡേൺ ആർട്, ഖത്തർ മ്യൂസിയം ഗാലറി-അൽ റിവാഖ് എന്നിവിടങ്ങളിലാണ് പ്രവേശനം സൗജന്യം. അൽ സുബാറ, ഡാഡു ഗാർഡൻസ്, ആർട് മിൽ മ്യൂസിയം എന്നിവ ഒഴികെയുള്ള മ്യൂസിയങ്ങളുടെ പ്രവർത്തന സമയം ഇന്നു മുതൽ രാത്രി 10 വരെ നീട്ടി.
