ഖത്തര് ലോകകപ്പിനുള്ള അന്തിമ ടീം പ്രഖ്യാപിച്ച് ജര്മനി. അഞ്ച് വര്ഷങ്ങള്ക്ക് ശേഷം സൂപ്പര് താരം മരിയോ ഗോട്സേ ടീമില് തിരിച്ചെത്തി എന്നതാണ് പ്രത്യേകത. 2017 നവംബറില് ഫ്രാന്സിനെതിരെ സൗഹൃദ മത്സരത്തിലായിരുന്നു ഗോട്സേ അവസാനമായി കളിച്ചത്. 2014 ബ്രസീല് ലോകകപ്പില് ജര്മനി ജേതാക്കളായപ്പോള് കലാശപ്പോരില് അര്ജന്റീനക്കെതിരെ ഗോള് നേടിയ മരിയോ ഗോട്സെ ടീമില് ഇടം നേടിയത് അപ്രതീക്ഷിതമായിട്ടാണ്.
അതേസമയം മാറ്റ് ഹുമ്മല്സ്, ഗോസെന്സ്, മാര്കോ റൂയിസ് തുടങ്ങിയവര്ക്ക് ടീമില് ഇടം കണ്ടെത്താന് സാധിച്ചില്ല. 2014 ന് ശേഷം ലോകകപ്പില് മുത്തമിടാന് ഉറപ്പിച്ചാണ് ഖത്തറിലേക്കുള്ള ജര്മന് സംഘത്തിന്റെ വരവ്. മരണ ഗ്രൂപ്പെന്ന് വിശേഷിപ്പിക്കാവുന്ന ഗ്രൂപ്പ് ഇ യിലാണ് ടീം ഉള്പ്പെടുന്നത്. ജര്മനിയെ കൂടാതെ വമ്പന്മാരായ സ്പെയ്ന്, ജപ്പാന്, കോസ്റ്റ റിക്ക എന്നിവരാണ് ഗ്രൂപ്പിലെ മറ്റ് ടീമുകള്. 23ന് ജപ്പാനെതിരെയാണ് ജര്മനിയുടെ ആദ്യ മത്സരം.
ലോകകപ്പിനുള്ള ജര്മനിയുടെ 26 അംഗ ടീം
Goalkeepers: Manuel Neuer, Marc-André ter Stegen, Kevin Trapp
Defenders: Thilo Kehrer, David Raum, Antonio Rüdiger, Niklas Süle, Matthias Ginter, Nico Schlotterbeck Lukas Klostermann, Christian Günter, Armell Bella Kotchap.
Midfielders: Joshua Kimmich, Leon Goretzka, Jamal Musiala,Thomas Müller, İlkay Gündoğan, Jonas Hofmann, Mario Götze, Julian Brandt, Kai Havertz.
Forwards: Serge Gnabry, Leroy Sané, Karim Adeyemi, Niclas Füllkrug, Youssoufa Moukoko.