ഗ്യാസ് വിതരണത്തിനായുള്ള സുപ്രധാന കരാറിൽ യു എ ഇ യും ജർമനിയും ഒപ്പ് വച്ചു. ജർമ്മൻ ചാൻസിലർ ഒലാഫ് ഷോൾസ് യു എ ഇ സന്ദർശിച്ചിരുന്നു. ഈ സാഹചര്യത്തിലാണ് യു എ ഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ സാന്നിധ്യത്തിൽ കരാറിൽ ഒപ്പുവച്ചത്.
യു എ ഇ യുടെ വ്യവസായ, നൂതന സാങ്കേതിക മന്ത്രിയായ ഡോ. സുൽത്താൻ അൽ ജബ്റും ജർമ്മനിയുടെ സാമ്പത്തികകാര്യ മന്ത്രാലയം സ്റ്റേറ്റ് സെക്രട്ടറി ഡോ. ഫ്രാൻസിസ്ക ബ്രാന്റനറുമാണ് കരാറിൽ ഒപ്പുവച്ചത്. ‘എനർജി സെക്യൂരിറ്റി ആൻഡ് ഇൻഡസ്ട്രി ആക്സിലറേറ്റർ ‘കരാറനുസരിച്ച് അബുദാബി നാഷണൽ ഓയിൽ കമ്പനി (അഡ്നോക് ) ജർമൻ കമ്പനിയായ ആർ ഡബ്ല്യൂ ഇ എ ജി ക്ക് വർഷാവസാനം ഗ്യാസ് എത്തിക്കും. അതേസമയം എൽ എൻ ജി കർഗോളുകൾ എത്തിക്കാനുള്ള ധാരണകൂടി കരാർ ഉറപ്പ് വരുത്തുന്നുണ്ട്.