തിരുവനന്തപുരം: സെക്രട്ടേറിയറ്റില് വീണ്ടും തീപിടിത്തം. നോര്ത്ത് സാന്വിച്ച് ബ്ലോക്കില് മന്ത്രി പി രാജീവിന്റെ ഓഫീസിന് സമീപമാണ് തീപിടിത്തമുണ്ടായത്. പി രാജീവിന്റെ അഡീഷണല് പ്രൈവറ്റ് സെക്രട്ടറിയുടെ റൂം കത്തി നശിച്ചു.
ഷോര്ട്ട് സര്ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. രാവിലെ 7.55 നാണ് നോര്ത്ത് സാന്വിച്ച് ബ്ലോക്കില് തീപിടിത്തമുണ്ടായത്. തീ കത്തുന്നത് ശ്രദ്ധയില്പ്പെട്ടതോടെ സുരക്ഷാ ജീവനക്കാര് ഫയര്ഫോഴ്സിനെ അറിയിക്കുകയായിരുന്നു. കര്ട്ടനും സീലിങ്ങും കത്തി നശിച്ചു. അതേസമയം ഫയലുകള് ഒന്നും കത്തി നശിച്ചിട്ടില്ലെന്നും പൊലീസ് അറിയിച്ചു.
8.15 ഓടെ ഫയര്ഫോഴ്സ് എത്തി തീ പൂര്ണമായും അണച്ചു. ജില്ലാ കളക്ടറും ഉന്നത പൊലീസ് ഉദ്യോഗസ്ഥരുമുള്പ്പെടെയുള്ളവര് സ്ഥലത്തെത്തി. തീ പൂര്ണമായും അണച്ച ശേഷമാണ് ജീവനക്കാരെ അകത്ത് കയറ്റിയത്.
2020ലും സെക്രട്ടേറിയറ്റില് തീപിടിത്തമുണ്ടായിരുന്നു. അന്ന് ഫയലുകളും കമ്പ്യൂട്ടറുകളുമുള്പ്പെടെ കത്തി നശിച്ചിരുന്നു.