2023-2024 അധ്യയന വർഷം എമിറേറ്റിലെ സ്കൂളുകളിൽ മൂന്ന് ശതമാനം ഫീസ് വർധനക്ക് അംഗീകാരം. ദുബായ് നോളജ് ആൻഡ് ഹ്യൂമൻ ഡവലപ്മെന്‍റ് അതോറിറ്റിയാണ് (കെ.എച്ച്.ഡി.എ) അനുമതി നൽകിയത്.
സ്കൂളുകളുടെ പ്രവർത്തന ചിലവ് വർധിച്ച സാഹചര്യത്തിലാണ് തീരുമാനമെന്ന് KHDA-യിലെ പെർമിറ്റ്‌സ് ആൻഡ് കംപ്ലയൻസ് സെക്‌ടറിന്റെ ചീഫ് എക്‌സിക്യൂട്ടീവ് ഓഫീസർ മുഹമ്മദ് ദാർവിഷ് വ്യക്തമാക്കി.
ദുബായ് സ്കൂൾ ഇൻസ്പക്ഷൻ ബ്യൂറോ ഒടുവിൽ നടത്തിയ പരിശോധനയുടെ അടിസ്ഥാനത്തിലായിരിക്കും ഓരോ സ്കൂളിനും ഫീസ് വർധനക്ക് അനുമതി നൽകുക. പരിശോധനയിൽ നില മെച്ചപ്പെടുത്തിയ സ്കൂളുകൾക്ക് മാത്രമായിരിക്കും മൂന്ന് ശതമാനം ഫീസ് വർധന അനുവദിക്കുക. നിലവാരം കുറഞ്ഞ സ്കൂളുകൾക്ക് ഫീസ് വർധനവിന് അനുമതി നൽകില്ല.
