ഡല്ഹിയില് മലയാളി വ്യവസായിയെ കൊലപ്പെടുത്തി മരത്തില് കെട്ടിത്തൂക്കിയ നിലയില്. എസ്എന്ഡിപി ദ്വാരക ശാഖ സെക്രട്ടറി കൂടിയായ തിരുവല്ല മേപ്രാല് കൈലാത്ത് ഹൗസില് പി.പി. സുജാതനെയാണ് പാര്ക്കിലെ മരത്തില് കെട്ടിത്തൂക്കിടിയിട്ട നിലയില് കണ്ടെത്തിയത്. സുജാതന് 60 വയസുണ്ട്.
സുജാതന് വ്യാഴാഴ്ച രാത്രി ഒന്പതു മണിയോടെ ബിസിനസ് ആവശ്യത്തിന് ജയ്പുരിലേക്കു പോകാനായാണ് വീട്ടില് നിന്നിറങ്ങിയത്. ദ്വാരകയില് തിരുപ്പതി പബ്ലിക് സ്കൂളിനു സമീപമാണ് സുജാതന് താമസിക്കുന്നത്.
സുജാതന് ധരിച്ചിരുന്ന ഷര്ട്ട് ഉപയോഗിച്ചാണ് മരത്തില് കെട്ടിത്തൂക്കിയതെന്ന് പൊലീസ് അറിയിച്ചു.മൃതദേഹത്തില് ഒട്ടേറെ മുറിവുകളുണ്ട്.
പ്രഭാത സവാരിക്കിറങ്ങിയവരാണ് വീടിനു സമീപമുള്ള പാര്ക്കില് മൃതദേഹം കണ്ടത്.
പേഴ്സ്, മൊബൈല് ഫോണ് എന്നിവ നഷ്ടപ്പെട്ടിട്ടുണ്ട്. സംസ്കാരം ഡല്ഹിയില് നടക്കും. ഭാര്യ: പ്രീതി. മക്കള്: ശാന്തിപ്രിയ, അമല്.