എറണാകുളം തൃക്കാക്കരയിലെ നവകേരള സദസ്സിന്റെ വേദി ബോംബ് വെച്ച് തകര്‍ക്കുമെന്ന് ഭീഷണി. എറണാകുളം കലക്ട്‌ട്രേറ്റിലാണ് ഭീഷണി സന്ദേശമുള്ള ഊമക്കത്ത് ലഭിച്ചത്. തങ്ങള്‍ പഴയ കമ്യൂണിസ്റ്റുകാരാണെന്നാണ് കത്തില്‍ പറയുന്നത്. തിങ്കളാഴ്ചയാണ് തൃക്കാക്കര മണ്ഡലത്തില്‍ നവകേരള സദസ്സ് നടത്തുന്നത്.
സംഭവത്തില്‍ തൃക്കാക്കര പൊലീസ് അന്വേഷണം ആരംഭിച്ചു. കത്ത് ഫോറന്‍സിക് സംഘം പരിശോധിക്കും. കാനം രാജേന്ദ്രന്റെ മരണത്തെ തുടര്‍ന്ന് മാറ്റിവെച്ച നവകേരള സദസ്സ് ആണ് തിങ്കളാഴ്ച നടക്കാനിരിക്കുന്നത്.
