ഇന്ത്യന്‍ വനിതാ-പുരുഷ താരങ്ങള്‍ക്ക് ഇനി തുല്യ പ്രതിഫലമെന്ന് ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ്. വനിതാ താരങ്ങള്‍ക്ക് പുരുഷ താരങ്ങളുടെ അതേ പ്രതിഫലം നല്‍കാനുള്ള ചരിത്ര തീരുമാനം ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് (ബിസിസി) സെക്രട്ടറി ജയ് ഷായാണ് പ്രഖ്യാപിച്ചത്. വര്‍ഷങ്ങളായി ഇന്ത്യന്‍ വനിതാ താരങ്ങള്‍ ഉന്നയിച്ചു വരുന്ന ആവശ്യത്തിനാണ് ഒടുവില്‍ ബിസിസിഐ പച്ചക്കൊടി കാട്ടിയത്.
പുരുഷ താരങ്ങള്‍ക്ക് നിലവില്‍ ലഭിക്കുന്നതിനു തുല്യമായ മാച്ച് ഫീയാണ് ഇനിമുതല്‍ വനിതാ താരങ്ങള്‍ക്കും ലഭിക്കുക. ടെസ്റ്റ് (15 ലക്ഷം രൂപ), ഏകദിനം (6 ലക്ഷം രൂപ), ട്വന്റി20 (3 ലക്ഷം രൂപ) എന്നിങ്ങനെയായിരിക്കും മാച്ച് ഫീ. ഇനിമുതല്‍ നമ്മുടെ പുരുഷ, വനിതാ താരങ്ങളുെട മാച്ച് ഫീ തുല്യമായിരിക്കുമെന്നും ലിംഗ സമത്വത്തിന്റെ പുതിയൊരു സുവര്‍ണ കാലത്തേക്കുള്ള ചുവടുവയ്പ്പാണിതെന്നും ജയ് ഷാ പറഞ്ഞു.
