പു​തുവ​ർ​ഷ​ത്തെ വ​ര​വേ​ൽ​ക്കാ​നൊരു​ങ്ങി ബ​ഹ്​റൈ​ൻ

പുതുവർഷം ഗംഭീരമാക്കാനൊരുങ്ങി ബഹ്റൈൻ. ഗം​ഭീ​ര കാ​ഴ്ച​കളും വിനോദങ്ങളുമൊരുക്കിയാണ് ബ​ഹ്​റൈ​ൻ ടൂ​റി​സം ആ​ന്റ് എ​ക്സി​ബി​ഷ​ൻ​സ് അ​തോ​റി​റ്റി പുതുവർഷത്തെ വരവേൽക്കാനൊരുങ്ങുന്നത്. അ​വ​ന്യു​സ് പാ​ർ​ക്ക്, മാ​റാ​സി ബീ​ച്ച്, വാ​ട്ട​ർ ഗാ​ർ​ഡ​ൻ സി​റ്റി, ഹാ​ർ​ബ​ർ റോ ​എ​ന്നി​വി​ട​ങ്ങ​ളി​ൽ ന​ട​ത്തു​ന്ന ക​രി​മ​രു​ന്ന് പ്ര​ക​ട​ന​മാ​ണ് ആ​ഘോ​ഷ​ങ്ങ​ളി​ലെ പ്ര​ധാ​ന ആകർഷണം. അതേസമയം ബ​ഹ്റൈന്റെ ച​രി​ത്ര​ത്തി​ലെ ത​ന്നെ ഏ​റ്റ​വും വ​ലി​യ പു​തു​വ​ത്സ​രാ​ഘോ​ഷ​ത്തി​നു​ള്ള ത​യ്യാ​റെ​ടു​പ്പി​ലാ​ണ് അ​തോ​റി​റ്റിയെന്ന് അധികൃതർ അറിയിച്ചു.

വി​ശാ​ല​മാ​യ പാ​ർ​ക്കും ഷോ​പ്പി​ങ് മാ​ളും അ​നു​ബ​ന്ധ സൗ​ക​ര്യ​ങ്ങ​ളുമെല്ലാം ഉ​ൾ​കൊ​ള്ളു​ന്നതാണ് അ​വ​ന്യൂ​സ് പാ​ർ​ക്ക്. രാ​ത്രി 10 മണി മു​ത​ൽ പു​തു​വ​ത്സാ​രാ​ഘോ​ഷ​ങ്ങ​ൾ​ക്ക് തു​ട​ക്കമാവും. കൂടാതെ ഡി​ജെ ലോ​റെ​ൻ​സോ​യു​ടെ മാ​സ്മ​രി​ക പ്ര​ക​ട​ന​ത്തി​നൊ​പ്പം ത്ര​സി​പ്പി​ക്കു​ന്ന ഡ്രോ​ൺ ഷോ​യും മ​റ്റു ത​ത്സ​മ​യ വി​നോ​ദ പ​രി​പാ​ടി​ക​ളും ഉ​ണ്ടാ​കും. കൃത്യം 12 ​മണിക്ക് ആ​കാ​ശ​ത്ത് വ​ർ​ണ​വി​സ്മ​യം തീ​ർ​ക്കു​ന്ന ക​രി​മ​രു​ന്നു പ്ര​ക​ട​നവും ആ​ഘോഷത്തെ ശ്രദ്ധേയമാക്കും.

അതേയ് സം​ഗീ​ത പ​രി​പാ​ടി, ഭ​ക്ഷ​ണ സ്റ്റാ​ളു​ക​ൾ എ​ന്നി​വ​യും ആ​ഘോ​ഷ​ത്തി​ന്റെ കൊ​ഴു​പ്പു​കൂ​ട്ടും. അ​ൽ​ദാ​ന ആം​ഫി തി​യ​റ്റ​റി​ൽ മാ​ർ​ട്ടി​ൻ ഗാ​രി​ക്സി​ന്റെ പു​തു​വ​ത്സ​ര സം​ഗീ​ത പ​രി​പാ​ടി​യും അ​ര​ങ്ങേ​റും. കൂടാതെ വാ​ട്ട​ർ ഗാ​ർ​ഡ​ൻ സി​റ്റി​യി​ൽ ക​രി​മ​രു​ന്ന് പ്ര​ക​ട​ന​ത്തി​ന് പു​റ​മേ വി​വി​ധ ക​ലാ​പ​രി​പാ​ടി​ക​ളും ഭ​ക്ഷ​ണ സ്റ്റാ​ളു​ക​ളും ഉ​ണ്ടാ​കുമെന്നും അധികൃതർ അറിയിച്ചു.