സസ്യങ്ങളെയും മൃഗങ്ങളെയും സംരക്ഷിക്കുന്നതിനായി ഭൂപ്രദേശത്തിന്റെ ഒരു ഭാഗം നീക്കിവയ്ക്കാൻ ഓസ്ട്രേലിയൻ സർക്കാർ തീരുമാനിച്ചു. സസ്യ – ജന്തു ജാലങ്ങളുടെ സംരക്ഷണത്തിനായി 30 ശതമാനമെങ്കിലും നീക്കിവെക്കുമെന്ന് പരിസ്ഥിതി മന്ത്രി ടാനിയ പ്ലിബർസെക് പറഞ്ഞു.
മറ്റേതൊരു ഭൂഖണ്ഡത്തേക്കാളും കൂടുതൽ സസ്തനികൾ ഓസ്ട്രേലിയയിലുണ്ട്. എന്നാൽ പകുതിയോളം ജീവികൾക്ക് വംശനാശം സംഭവിച്ചു. കൂടാതെ ലോകത്തിലെ ഏറ്റവും സമ്പന്ന രാജ്യങ്ങളിൽ ഏറ്റവും മോശം ജീവിവർഗങ്ങളുടെ ഇടിവാണ് ഇവിടെ സംഭവിച്ചിരിക്കുന്നതെന്ന് സർക്കാർ പുറത്തിറക്കിയ അഞ്ച് വർഷത്തെ പരിസ്ഥിതി റിപ്പോർട്ട് കാർഡിൽ പറയുന്നു. വംശനാശഭീഷണി നേരിടുന്ന ജീവികളുടെ പട്ടികയിലോ അപകടസാധ്യത കൂടുതലുള്ള വിഭാഗത്തിലോ ചേർക്കപ്പെട്ട ജീവികളുടെ എണ്ണം 2016ലെ മുൻ റിപ്പോർട്ടിൽ നിന്ന് ശരാശരി 8 ശതമാനം വർധിച്ചതായി റിപ്പോർട്ട് വ്യക്തമാക്കുന്നുണ്ട്. അതേസമയം സസ്യങ്ങളെയും മൃഗങ്ങളെയും ആവാസവ്യവസ്ഥയെയും വംശനാശത്തിൽ നിന്ന് സംരക്ഷിക്കുന്നതിനുള്ള നടപടിയുടെ ആവശ്യകത ഒരിക്കലും വലുതായിരുന്നില്ലെന്ന് പ്ലിബർസെക് പ്രസ്താവനയിൽ പറഞ്ഞു.
110 സ്പീഷീസുകൾക്കും 20 സ്ഥലങ്ങൾക്കും മുൻഗണന നൽകിക്കൊണ്ട്, സംരക്ഷണത്തിനായി കൈകാര്യം ചെയ്യുന്ന പ്രദേശങ്ങൾ 50 ദശലക്ഷം ഹെക്ടർ വർദ്ധിപ്പിക്കുമെന്നും അവർ കൂട്ടിച്ചേർത്തു. 10 വർഷത്തെ പദ്ധതി 2027ൽ അവലോകനം ചെയ്യും. ഈയിടെ തിരഞ്ഞെടുക്കപ്പെട്ട ഫെഡറൽ ലേബർ ഗവൺമെന്റ്, ഓസ്ട്രേലിയയുടെ വംശനാശഭീഷണി നേരിടുന്ന തദ്ദേശീയ സസ്യങ്ങളെയും മൃഗങ്ങളെയും സംരക്ഷിക്കാൻ സഹായിക്കുന്നതിന് 224.5 ദശലക്ഷം ഓസ്ട്രേലിയൻ ഡോളർ (146 ദശലക്ഷം ഡോളർ) വാഗ്ദാനം ചെയ്തിട്ടുണ്ട്. അതേസമയം ലോകത്തിലെ ആറാമത്തെ വലിയ രാജ്യമായ ഓസ്ട്രേലിയ കോലകളും പ്ലാറ്റിപസുകളും പോലെയുള്ള തനതായ മൃഗങ്ങളുടെ ആവാസ കേന്ദ്രമാണ്. എന്നിരുന്നാലും കാലാവസ്ഥാ വ്യതിയാനങ്ങളും അവയുടെ ആവാസ വ്യവസ്ഥകളിലേക്കുള്ള മനുഷ്യരുടെ കടന്നുകയറ്റവും കാരണം അവയുടെ എണ്ണം കുറഞ്ഞുവരികയാണെന്നാണ് കണ്ടെത്തൽ.
കഴിഞ്ഞ നാല് വർഷത്തിനിടെ ഓസ്ട്രേലിയയുടെ ഏകദേശം 30 ശതമാനം കോലകൾ നഷ്ടപ്പെട്ടതായി പ്രകൃതി വിദഗ്ധർ കണക്കാക്കിയിട്ടുണ്ട്. ഇതേത്തുടർന്ന് ഫെബ്രുവരിയിൽ കിഴക്കൻ തീരത്തിന്റെ ഭൂരിഭാഗവും കോലകളെ വംശനാശഭീഷണി നേരിടുന്നവയുടെ പട്ടികയിൽ ഉൾപ്പെടുത്തി. 2019-ലും 2020-ലും കിഴക്ക് ഉണ്ടായ കാട്ടുതീയിൽ 33 പേരെയും കോടിക്കണക്കിന് മൃഗങ്ങളെയും കൊല്ലുകയും ജർമ്മനിയുടെ പകുതിയോളം പ്രദേശം കത്തിക്കുകയും ചെയ്തതുൾപ്പെടെയുള്ള പതിവ് തീവ്ര കാലാവസ്ഥാ സംഭവങ്ങളാൽ ഓസ്ട്രേലിയ തകർന്നു.
വേൾഡ് വൈൽഡ് ലൈഫ് ഫണ്ട് (WWF)-ഓസ്ട്രേലിയ ഗവൺമെന്റിന്റെ സംരക്ഷണ ശ്രമങ്ങളെ സ്വാഗതം ചെയ്യുന്നുവെന്ന് പ്ലിബർസെക് പറഞ്ഞു. എന്നാൽ വംശനാശഭീഷണി നേരിടുന്ന ജീവികളെ സമയബന്ധിതമായി വീണ്ടെടുക്കാനുള്ള പദ്ധതികളിൽ നിക്ഷേപിക്കാൻ അധികാരികളോട് അഭ്യർത്ഥിക്കുകയും ചെയ്തിട്ടുണ്ട്. ഓസ്ട്രേലിയയിൽ 1,900-ലധികം വംശനാശഭീഷണി നേരിടുന്ന ജീവജാലങ്ങളുണ്ട്. ഈ പ്ലാൻ 110 വിജയികളെ തിരഞ്ഞെടുക്കുന്നു. മറ്റ് ‘മുൻഗണനയില്ലാത്ത’ വംശനാശഭീഷണി നേരിടുന്ന ജീവികളെ ഇത് എങ്ങനെ സഹായിക്കുമെന്ന കാര്യത്തിൽ വ്യക്തതയില്ലെന്ന് ഡബ്ല്യൂ ഡബ്ല്യൂ എഫ് ഓസ്ട്രേലിയയുടെ ചീഫ് കൺസർവേഷൻ ഓഫീസർ റേച്ചൽ ലോറി പറഞ്ഞു.
