അറ്റ്ലസ് രാമചന്ദ്രൻ അന്തരിച്ചു.എൺപത് വയസ്സായിരുന്നു.
ദുബായ് മൻ ഹൂളിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം.നെഞ്ചു വേദനയെത്തുടർന്ന് രണ്ടു ദിവസമായി ആശുപത്രിയിൽ ചികിത്സയിൽ കഴിയുകയായിരുന്നു.ഞായറാഴ്ച രാത്രി 11 മണിയോടെയാണ് അന്ത്യം.
മലയാളിയായ പ്രവാസി വ്യവസായ പ്രമുഖനും ചലച്ചിത്രനിർമ്മാതാവും നടനും സംവിധായകനുമാണ് അറ്റ്ലസ് രാമചന്ദ്രൻ എന്നറിയപ്പെടുന്ന ഡോ. എം.എം. രാമചന്ദ്രൻ. ഗൾഫ് രാജ്യങ്ങളിൽ അമ്പതോളം ശാഖകളുള്ള അറ്റ്ലസ് ഗ്രൂപ്പ് ഓഫ് കമ്പനീസിൻ്റെ ചെയർമാനായിരുന്നു.പല ഹിറ്റ് മലയാള ചിത്രങ്ങളുടെയും നിർമാതാവ് കൂടിയായ രാമചന്ദ്രൻ ഏറെക്കാലമായി ദുബായിലായിരുന്നു താമസം.
1942 ജൂലൈ 31ന് തൃശൂരിലാണ് ജനനം. 2015ൽ സാമ്പത്തിക ഇടപാടിലെ ക്രമക്കേടുമായി ബന്ധപ്പെട്ട് ദുബായ് പൊലീസ് അറ്റ്ലസ് രാമചന്ദ്രനെ കസ്റ്റഡിയിൽ എടുത്തിരുന്നു. പിന്നീട് കേന്ദ്രസർക്കാർ ഇടപെട്ടാണ് ജയിൽമോചിതനാക്കിയത്.