നടന് ഷെയ്ന് നിഗവും നിര്മാതാക്കളും തമ്മിലുള്ള തര്ക്കം താരസംഘടനയായ അമ്മ ഇടപെട്ട് പരിഹരിച്ചു. ഇതോടെ ഷെയ്നിന്റെ സിനിമയില് അഭിനയിക്കാനുള്ള വിലക്ക് നീങ്ങും.
ഷെയ്ന് നിഗവുമായും നടന് ശ്രീനാഥ് ഭാസിയുമായും സഹകരിക്കില്ലെന്നും സിനിമ സംഘടനകള് അറിയിച്ചിരുന്നു. ആര്ട്ടിസ്റ്റുകള്ക്കും സാങ്കേതിക പ്രവര്ത്തകര്ക്കും നിര്മാതാക്കള്ക്കും നിരവധി ബുദ്ധിമുട്ടുകള് ശ്രീനാഥ് ഭാസിയും ഷെയ്ന് നിഗവും ഉണ്ടാക്കിയതിന്റെ ഭാഗമായാണ് നടപടി എന്ന് നിര്മാതാക്കള് അറിയിച്ചിരുന്നു.
പരാതികളുടെ അടിസ്ഥാനത്തിലാണ് നടപടിയെന്നും സംഘടന നേരത്തെ വ്യക്തമാക്കിയിരുന്നു.
അതേസമയം നടന് ശ്രീനാഥ് ഭാസിയുടെ അംഗത്വത്തില് ശനിയാഴ്ച തീരുമാനമെടുക്കും. ശ്രീനാഥ് ഭാസിയുമായി സഹകരിക്കില്ലെന്ന് ചലച്ചിത്ര സംഘടനകള് പ്രഖ്യാപിച്ചതിന് പിന്നാലെയായിരുന്നു നടന് ‘അമ്മ’യില് അംഗത്വം എടുക്കാന് അപേക്ഷ നല്കിയത്. ‘അമ്മ’യില് പുതിയ അംഗത്വത്തിനായി 25 ഓളം പേര് ആണ് അപേക്ഷ സമര്പ്പിച്ചത്.