അബുദാബിയിൽ ബന്ധുവിൻ്റെ കുത്തേറ്റ് പ്രവാസി മലയാളി കൊല്ലപ്പെട്ടു. മുസഫയിൽ വെള്ളിയാഴ്ച രാത്രിയാണ് സംഭവം. മലപ്പുറം ചങ്ങരംകുളം നന്നംമുക്ക് സ്വദേശി കുമ്പില വളപ്പിൽ യാസിർ അറഫാത്ത് (38) ആണ് കൊല്ലപ്പെട്ടത്.
മുസഫയിൽ ഗ്രാഫിക് ഡിസൈനിങ് സ്ഥാപനം നടത്തി വരികയായിരുന്നു യാസിർ. ബിസിനസ് ചർച്ചയ്ക്കിടെ പ്രകോപിതനായ ബന്ധു അക്രമിക്കുകയായിരുന്നു. യാസിർ നടത്തുന്ന കളർ വേൾഡ് ഗ്രാഫിക്സ് ഡിസൈനിങ്ങിലേക്ക് രണ്ടു മാസം മുമ്പാണ് ബന്ധുവിനെ കൊണ്ടുവന്നത്.
സാമ്പത്തിക വിഷയങ്ങളിൽ ഉണ്ടായ തർക്കമാണ് പ്രകോപനത്തിന് കാരണമായതെന്നാണ് സൂചന. അബ്ദുൽ ഖാദറിൻ്റെയും ഖദീജകുട്ടിയുടെയും മകനാണ് മരിച്ച യാസിർ അറഫാത്ത്. ഭാര്യ റംല. രണ്ട് മക്കളുണ്ട്.