മുന് മുഖ്യമന്ത്രി ഉമ്മന് ചാണ്ടിയുടെ വേര്പാടില് അങ്ങേയറ്റം ദു:ഖവും വേദനയും രേഖപ്പെടുത്തുന്നുവെന്ന് പിഡിപി നേതാവ് അബ്ദുള് നാസര് മഅ്ദനി. ഭരണ-പ്രതിപക്ഷ മേഖലയില് ഇത്രയധികം സ്വാധീനം ചെലുത്തിയ ഒരു ജനകീയനേതാവ് വേറെയുണ്ടാകില്ലെന്നും തനിക്കെതിരായി നീതി നിഷേധത്തിന്റെ കാലത്ത് വളരെ ശക്തമായ ഇടപെടലുകള് ഉമ്മന് ചാണ്ടി നടത്തിയിട്ടുണ്ടെന്നും മഅ്ദനി ഓര്ത്തെടുത്തു.
കോയമ്പത്തൂര് ജയിലില് ആയിരിക്കുമ്പോള് എന്നെ സന്ദര്ശിക്കുകയും നീതിക്ക് വേണ്ടിയുള്ള ഇടപെടലുകള് നടത്തുകയും ചെയ്ത ഉമ്മന് ചാണ്ടി ഞാന് ബാംഗ്ലൂര് ജയില്വാസ ശേഷം ജാമ്യം കിട്ടി സൗഖ്യാ ഹോസ്പിറ്റലില് കഴിയുമ്പോള് അന്ന് മുഖ്യമന്ത്രിയായിരിക്കെ, എന്നെ സന്ദര്ശിച്ചിരുന്നുവെന്നും മഅ്ദനി പറഞ്ഞു.
ഉമ്മന് ചാണ്ടിയുടെ കുടുംബത്തിനും,കേരളീയ സമൂഹത്തിനും ഒന്നടങ്കം അദ്ദേഹത്തിന്റെ വേര്പാട് സൃഷ്ടിച്ച വേദനയില് ആത്മാര്ത്ഥമായി പങ്കുചേരുന്നുവെന്നും മഅ്ദനി ഫേസ്ബുക്കില് കുറിച്ചു.
മഅ്ദനിയുടെ ഫേസ്ബുക്ക് പോസ്റ്റിന്റെ പൂര്ണരൂപം
ഉമ്മന് ചാണ്ടിക്ക് വിട!
കേരള രാഷ്ട്രീയത്തിലെ അതികായകനും, ഉന്നതനുമായ ശ്രീ. ഉമ്മന് ചാണ്ടിയുടെ വേര്പാടില് അങ്ങേയറ്റം ദു:ഖവും വേദനയും രേഖപ്പെടുത്തുന്നു.
ഭരണ-പ്രതിപക്ഷ മേഖലയില് ഇത്രയധികം സ്വാധീനം ചെലുത്തിയ ഒരു ജനകീയനേതാവ് വേറെയുണ്ടാകില്ല.
എന്റെ നീതി നിഷേധത്തിന്റെ ഈ കാലഘട്ടത്തില് വളരെ ശക്തമായ ഇടപെടലുകള് ശ്രീ.ഉമ്മന് ചാണ്ടി നടത്തിയിട്ടുണ്ട്.
കോയമ്പത്തൂര് ജയിലില് ആയിരിക്കുമ്പോള് എന്നെ സന്ദര്ശിക്കുകയും നീതിക്ക് വേണ്ടിയുള്ള ഇടപെടലുകള് നടത്തുകയും ചെയ്ത ശ്രീ. ഉമ്മന് ചാണ്ടി ഞാന് ബാംഗ്ലൂര് ജയില്വാസ ശേഷം ജാമ്യം കിട്ടി സൗഖ്യാ ഹോസ്പിറ്റലില് കഴിയുമ്പോള് അന്ന് മുഖ്യമന്ത്രിയായിരിക്കെ, എന്നെ സന്ദര്ശിച്ചിരുന്നു.
ശേഷവും അദ്ദേഹത്തിന്റെ ഇടപെടലുകള് എന്റെ കാര്യത്തില് ഉണ്ടായിട്ടുണ്ട്.
ശ്രീ.ഉമ്മന് ചാണ്ടിയുടെ കുടുംബത്തിനും,കേരളീയ സമൂഹത്തിനും ഒന്നടങ്കം അദ്ദേഹത്തിന്റെ വേര്പാട് സൃഷ്ടിച്ച വേദനയില് ആത്മാര്ത്ഥമായി പങ്കുചേരുന്നു.
അബ്ദുന്നാസിര് മഅ്ദനി.
(ബാംഗ്ലൂര്)