കൊച്ചി: മലയാളം ചലച്ചിത്ര പ്രവർത്തകർക്കെതിരെ അശ്ലീല പരാമർശം നടത്തിയ സന്തോഷ് വർക്കി എന്ന ആറാട്ടണ്ണൻ അറസ്റ്റിൽ. സ്ത്രീത്വത്തെ അപമാനിച്ചതിന് ജാമ്യമില്ലാ വകുപ്പ് പ്രകാരമാണ് സന്തോഷിനെതിരെ കേസെടുത്തത്.
രാവിലെ തന്നെ ഇയാളെ പൊലീസ് കസ്റ്റഡിയിൽ എടുത്തിട്ടുണ്ട് ഉടനെ മജിസ്ട്രേറ്റിന് മുൻപിൽ ഹാജരാകും. കോടതി ജാമ്യം അനുവദിക്കാത്ത പക്ഷം ഇന്ന് തന്നെ സന്തോഷ് വർക്കി റിമാൻഡിൽ പോകേണ്ടി വരും.
നടി ഉഷ ഹസീന, ഭാഗ്യലക്ഷ്മി, കുക്കു പരമേശ്വരൻ എന്നിവരാണ് സന്തോഷിനെതിരെ കൊച്ചി സിറ്റി പൊലീസിന് പരാതി നൽകിയത്. സന്തോഷ് വർക്കി നിരന്തരം മലയാളത്തിലെ വനിതാ ചലച്ചിത്ര പ്രവർത്തകരെ അപമാനിച്ച് സംസാരിക്കുകയാണെന്നും പുതിയ പരാമർശം വ്യക്തിപരമായി വേദനിപ്പിച്ചുവെന്നും ഉഷ ഹസ്സീന ആലപ്പുഴ ഡിവൈഎസ്പിക്ക് നൽകിയ പരാതിയിൽ പറയുന്നു.
