ആശുപത്രി സംരക്ഷണ നിയമം ഭേദഗതി ചെയ്ത ഓര്ഡിനന്സിന് മന്ത്രിസഭയുടെ അംഗീകാരം. ആരോഗ്യപ്രവര്ത്തകര്ക്കെതിരായ ആക്രമണങ്ങള്ക്ക് ഒരു വര്ഷത്തില് കുറയാത്ത തടവു ശിക്ഷ ലഭിക്കും. പരമാവധി ശിക്ഷ ഏഴ് വര്ഷമായിരിക്കും തടവ് ശിക്ഷ.
ഒരു ലക്ഷം മുതല് അഞ്ച് ലക്ഷം രൂപ വരെ പിഴ ഈടാക്കുമെന്നും ഓര്ഡിനന്സില് പറയുന്നു. ഇത്തരം കേസുകള് പ്രത്യേക കോടതിയില് ഒരു വര്ഷത്തിനകം വിചാരണ തീര്ക്കണമെന്നും വ്യവസ്ഥയുണ്ട്.
ആരോഗ്യ പ്രവര്ത്തകര്ക്കൊപ്പം മിനിസ്റ്റീരിയല് സ്റ്റാഫിനും സുരക്ഷാ ജീവനക്കാര്ക്കും മെഡിക്കല്, നഴ്സിംഗ് വിദ്യാര്ത്ഥികള്ക്കും പരിരക്ഷ നല്കും.ഓര്ഡിനന്സ് സംബന്ധിച്ച് പരാതിയുണ്ടെങ്കില് നിയമസഭാ സമ്മേളനത്തില് ഔദ്യോഗിക ഭേദഗതി കൊണ്ടു വരുന്നതിനും തീരുമാനമായിട്ടുണ്ട്.
ആരോഗ്യപ്രവര്ത്തകരെ അസഭ്യം പറയുകയോ മോശമായി സംസാരിക്കുകയോ ചെയ്താല് ആറ് മാസം വരെ തടവ് ശിക്ഷ ലഭിക്കുമെന്നും ഓര്ഡിനന്സ് പറയുന്നു. ഡോക്ടര് വന്ദന ദാസ് ആക്രമണത്തിനിരയായി കൊല്ലപ്പെട്ട സാഹചര്യത്തിലാണ് അടിയന്തര ഇടപെടല്.