കര്ണാടക നിയമസഭാ തെരഞ്ഞെടുപ്പ് വോട്ടെണ്ണല് പുരോഗമിക്കുമ്പോള് കോണ്ഗ്രസ് ബഹുദൂരം മുന്നില്. നഗര മേഖലകളിലും കോണ്ഗ്രസ് മുന്നിലാണ്. കോണ്ഗ്രസ് ക്യാംപുകളില് വലിയ തരത്തിലുള്ള വിജയാഘോഷമാണ് നടക്കുന്നത്.
തീര മേഖലകളില് ബിജെപിക്ക് വലിയ തിരിച്ചടിയാണ് നേരിട്ടത്. ആദ്യഫല സൂചനകല് പുറത്തുവരുമ്പോള് ലിംഗായത്ത് വോട്ടുകള് ബിജെപിയെ പിന്തുണച്ചില്ലെന്നാണ് നിരീക്ഷണം. തീര മേഖലകളില് ബിജെപിക്ക് വലിയ തിരിച്ചടിയാണ് നേരിടേണ്ടിവന്നത്.
രാവിലെ എട്ട് മണിമുതലാണ് കര്ണാടകയില് വോട്ടെണ്ണല് ആരംഭിച്ചത്. 224 സീറ്റുകളിലേക്കാണ് തെരഞ്ഞെടുപ്പ് നടന്നത്. 113 സീറ്റുകളുടെ ഭൂരിപക്ഷം നേടിയാലേ ഭരണാധികാരം ലഭിക്കൂ.
ബി.ജെ.പിക്ക് രാഷ്ട്രീയമായി ഏറെ തിരിച്ചടി നേരിടേണ്ടി വന്ന തെരഞ്ഞെടുപ്പാണ് കര്ണാടകയിലേത്. സ്ഥാനാര്ത്ഥി നിര്ണയം മുതല് കല്ലുകടി നേരിടേണ്ടി വന്ന പാര്ട്ടിക്ക് ലക്ഷ്മണ് സാവഡി അടക്കമുള്ള നേതാക്കളെ നഷ്ടമായി.
കര്ണാടകയിലെ മുഖ്യമന്ത്രി ബസവരാജ് ബൊമ്മെ ഷിഗാവ് മണ്ഡലത്തില് നിന്നും കോണ്ഗ്രസ് നേതാവ് ഡികെ ശിവകുമാര് കനക്പുരയില് നിന്നുമാണ് ജനവിധി നേരിടുന്നത്. എച്ച്ഡി കുമാരസ്വാമി ചന്നപട്ടണ മണ്ഡലത്തിലും സിദ്ധരാമയ്യ വരുണയിലുമാണ് മത്സരിക്കുന്നത്.
ബിജെപിയില് നിന്ന് കോണ്ഗ്രസിലേക്കെത്തിയ ജഗദീഷ് ഷെട്ടാര് ഹുബ്ബള്ളി ധാര്വാഡ് (സി) മണ്ഡലത്തില് നിന്നും ലക്ഷ്മണ് സാവഡി അത്തനിയില് നിന്നുമാണ് മത്സരിക്കുന്നത്. ലിംഗായത്ത് വോട്ടുകള് നിര്ണായകമായ തെരഞ്ഞെടുപ്പില് ജഗദീഷ് ഷെട്ടാറിന്റെയും ലക്ഷ്മണ് സാവഡിയുടെയും കൂടുമാറ്റം തെരഞ്ഞെടുപ്പില് എങ്ങനെ പ്രതിഫലിക്കുമെന്നത് പ്രധാനമാണ്.