ആരോഗ്യപ്രവർത്തകരുടെ സുരക്ഷ ഉറപ്പാക്കുന്നതിനായി മുഖ്യമന്ത്രി ഉന്നതതല യോഗം വിളിച്ചു. ഇന്ന് ഉച്ചയ്ക്ക് 3 .30 ന് മുഖ്യമന്ത്രിയുടെ കോൺഫെറെൻസ് ഹാളിലാണ് യോഗം. നിയമനിർമ്മാണം ഉൾപ്പടെയുള്ള കാര്യങ്ങൾ ഇന്ന് നടക്കുന്ന അടിയന്തര യോഗത്തിൽ ചർച്ച ചെയ്യും.
ആരോഗ്യ വകുപ്പ് മന്ത്രി, ചീഫ് സെക്രട്ടറി, ആഭ്യന്തര സെക്രെട്ടറി,മെഡിക്കൽ വിദ്യാഭ്യാസ ഡയറക്ടർ, പോലീസ് മേധാവി, എ ഡി ജി പിമാർ, മറ്റ് വകുപ്പ് തലവന്മാർ എന്നിവരാണ് യോഗത്തിൽ പങ്കെടുക്കുക.
കഴിഞ്ഞ ദിവസം കൊട്ടാരക്കര താലൂക് ആശുപത്രിയിൽ വൈദ്യ പരിശോധനയ്ക്കെത്തിയ അക്രമിയുടെ കുത്തേറ്റ് ഡോ: വന്ദന ദാസ് കൊല്ലപ്പെട്ട സംഭവത്തിൽ സർക്കാരിനും പോലീസിനുമെതിരെ വിമർശനങ്ങൾ ശക്തമായ സാഹചര്യത്തിലാണ് മുഖ്യമന്ത്രി അടിയന്തര യോഗം ചേരുന്നത്.