നടന് നീരജ് മാധവിന് യുഎഇ ഗോള്ഡന് വീസ ലഭിച്ചു. ദുബായിലെ സർക്കാർ സേവന ദാതാക്കളായ ഇസിഎച്ച് വഴിയാണ് 10 വർഷത്തെ വീസ ലഭിച്ചത്. ഡിജിറ്റൽ സിഇഒ ഇഖ്ബാൽ മാർക്കോണിയിൽ നിന്ന് നീരജ് മാധവ് വീസ പതിച്ച എമിറേറ്റ്സ് ഐഡി ഏറ്റുവാങ്ങി. മലബാർ ഗോൾഡ് ആൻഡ് ഡയമെന്റ്സ് ഡയറക്ടർ എ. കെ. ഫൈസൽ സംബന്ധിച്ചു.
വിവിധ രംഗങ്ങളില് മികവ് തെളിയിച്ചവര്ക്കും നിക്ഷേപകര്ക്കും ബിസിനസുകാര്ക്കുമെല്ലാം യുഎഇ ഭരണകൂടം അനുവദിക്കുന്നതാണ് ഗോള്ഡന് വീസ. 10 വർഷം കാലാവധി പൂര്ത്തിയാവുമ്പോള് പുതുക്കി നല്കുകയും ചെയ്യും. മലയാളത്തിലെയടക്കം പ്രമുഖ നടന്മാർക്കും സംവിധായകർക്കും കലാകാരന്മാർക്കും ബിസിനസുകാർക്കും ഡോക്ടർമാർക്കും ഇതിനകം ഗോള്ഡന് വീസ ലഭിച്ചിട്ടുണ്ട്. ഗോള്ഡന് വീസ അനുവദിക്കുന്നതിനുള്ള മാനദണ്ഡങ്ങളില് അടുത്തിടെ യുഎഇ ഇളവ് പ്രഖ്യാപിച്ചിരുന്നു. കൂടുതല് വിഭാഗങ്ങളിലേയ്ക്ക് ഗോള്ഡന് വീസയുടെ പ്രയോജനം എത്തിക്കാനാണ് യുഎഇ ലക്ഷ്യമിടുന്നത്.