യുഎഇയിലെ കാലാവസ്ഥ സാധാരണഗതിയിലായിരിക്കുമെന്നും രാജ്യത്തിന്റെ കിഴക്കൻ ഭാഗങ്ങളിൽ മേഘങ്ങൾ രൂപം കൊള്ളുകയും ചെയ്യുമെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. ക്രമേണ ഈ മേഘങ്ങൾ സംവഹനമേഘങ്ങളായി രൂപം പ്രാപിക്കുകയും ചെയ്യും.
നേരിയതോ മിതമായാതോ ആയ കാറ്റു വീശും. ഇത് ഉച്ചയോടടുക്കുമ്പോൾ പൊടിക്കാറ്റായി മാറാനും സാധ്യതയുണ്ട്. അബുദാബിയിലും ദുബൈയിലും യഥാക്രമം 42 ഡിഗ്രി സെൽഷ്യസും 41 ഡിഗ്രി സെൽഷ്യസും താപനില ഉയരും. അതേസമയം അറേബ്യൻ കടലിലും ഒമാൻ കടലിലും സ്ഥിതി നേരിയതോതിലായിരിക്കുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.