‘ദ കേരള സ്റ്റോറി’ നിരോധിച്ച പശ്ചിമ ബംഗാള് നടപടി സ്റ്റേ ചെയ്ത് സുപ്രീം കോടതി. സിനിമ ഇഷ്ടമല്ലെങ്കില് കാണാതിരിക്കാം. എന്നാല് അതിന്റെ പൊതുവിലുള്ള പ്രദര്ശനത്തെ തടയരുതെന്ന് സുപ്രീം കോടതി പറഞ്ഞു. അധികാരം മിതമായി പ്രയോഗിക്കണമെന്നും പശ്ചിമ ബംഗാള് സര്ക്കാരിനോട് സുപ്രീം കോടതി പറഞ്ഞു.
ചീഫ് ജസ്റ്റിസ് ഡിവൈ ചന്ദ്രചൂഡ് അധ്യക്ഷനായ ബെഞ്ചാണ് നടപടി സ്റ്റേ ചെയ്തത്.
ദ കേരള സ്റ്റോറി രാജ്യത്ത് വലിയതോതിലുള്ള ചര്ച്ചകള്ക്ക് വഴിവെച്ചിരുന്നു. കേരള സ്റ്റോറി പ്രൊപഗാണ്ട സിനിമയാണെന്നും വിവിധ കോണുകൡ നിന്ന് വിമര്ശനമുയര്ന്നിരുന്നു. പശ്ചിമ ബംഗാള് നിരോധനമേര്പ്പെടുത്തുകയും ചെയ്തിരുന്നു.
അതേസമയം തമിഴ്നാട് നിരോധനമേര്പ്പെടുത്തിയില്ലെന്നാണ് സര്ക്കാര് സുപ്രീം കോടതിയില് സത്യവാങ്മൂലം നല്കിയത്. തിയറ്ററുകളില് കാണാന് ആളില്ലാത്തതിനാല് മള്ട്ടിപ്ലക്സ് ഉടമകള് സ്വയം തീരുമാനമെടുത്ത് ഒഴിവാക്കിയതാണെന്നാണ് തമിഴ്നാട് സര്ക്കാര് സുപ്രീം കോടതിയില് പറഞ്ഞത്.