വണ്ടിപ്പെരിയാറില് പീഡനത്തിനിരയായി കൊല്ലപ്പെട്ട ആറ് വയസുകാരിയുടെ പിതാവിനെ ആക്രമി കുത്തിയത് കൊല്ലണമെന്ന ഉദ്ദേശത്തോടെയെന്ന് പൊലീസ്. ആയുധവുമായി എത്തിയ പ്രതി പല്രാജ് മനഃപൂര്വ്വം പ്രകോപനമുണ്ടാക്കി കൊല്ലണമെന്ന ഉദ്ദേശത്തോടെയാണ് ആയുധം കരുതിയതെന്നും പൊലീസ് എഫ് ഐ ആറില് പറയുന്നു.
പ്രകോപനമുണ്ടാക്കിയ ശേഷം പെണ്കുട്ടിയുടെ അച്ഛന്റെ നെഞ്ചിന് താഴെയും ഇരുകാലുകളിലെ തുടകളിലുമായി മൂര്ച്ഛയേറിയ ആയുധം കൊണ്ട് കുത്തി പരിക്കേല്പ്പിക്കുകയായിരുന്നു എന്നും എഫ് ഐ ആറില് പറയുന്നു. പല്രാജിന്റെ അറസ്റ്റ് രേഖപ്പെടുത്തിയിട്ടുണ്ട്.
വണ്ടിപ്പെരിയാര് കേസിലെ പെണ്കുട്ടിയെ പീഡിപ്പിച്ച് കൊലപ്പെടുത്തിയെന്ന കേസില് പ്രതിചേര്ക്കപ്പെട്ടിരുന്ന അര്ജുന്റെ ബന്ധുവാണ് പ്രതിയായ പല്രാജ്. പരുമല ജംഗ്ഷനിലൂടെ പെണ്കുട്ടിയുടെ കഴിഞ്ഞ ദിവസം അച്ഛനും മുത്തച്ഛനും ബൈക്കില് പോകുമ്പോള് പല്രാജ് അശ്ലീല ആംഗ്യങ്ങള് കാണിച്ച് പ്രകോപിപ്പിക്കുകയായിരുന്നു. ഇത് ചോദ്യം ചെയ്ത് ഉണ്ടായ വാക്കേറ്റം കയ്യാങ്കളിയിലേക്ക് മാറുകയായിരുന്നു. ഈ സമയം കൈയ്യില് കരുതിയ ആയുധമെടുത്ത് ഇരുവരെയും ആക്രമിക്കുകയായിരുന്നു.