ജപ്പാന് മുകളിലൂടെ ഉത്തരകൊറിയ ബാലിസ്റ്റിക് മിസൈല് അയച്ചു. ജപ്പാന് മുകളിലൂടെ പറന്ന മിസൈല് പസഫിക് സമുദ്രത്തില് പതിച്ചതായാണ് റിപ്പോർട്ട് . സംഭവത്തില് ഉത്തരക്കൊറിയയ്ക്കെതിരെ ജപ്പാന് കടുത്ത പ്രതിഷേധമാണ് ഉയര്ത്തുന്നത്. അതേസമയം സംഭവത്തിന് ശേഷം വടക്കുകിഴക്കന് പ്രദേശങ്ങളില് ജപ്പാന് സൈന്യം സുരക്ഷ ശക്തമാക്കി വരികയാണ്. മേഖലയിലെ ജനങ്ങളെ ഭൂഗര്ഭ അറകളിലേക്കും മറ്റ് സുരക്ഷിത സ്ഥാനങ്ങളിലേക്കും മാറ്റുകയും ചെയ്തു. വടക്കന് ജപ്പാനിലെ ട്രെയിന് ഗതാഗതം പൂര്ണമായി നിലച്ചു
രാജ്യത്തുനിന്നും 3000 കിലോമീറ്റര് അകലെയാണ് പസഫിക് സമുദ്രത്തില് മിസൈല് പതിച്ചതെന്നാണ് ജപ്പാന് പറയുന്നത്. ജനങ്ങളോട് വീട്ടില് നിന്നും പുറത്തിറങ്ങരുതെന്ന നിര്ദേശം ജപ്പാന് സൈന്യം നല്കിയിട്ടുണ്ട്. 2017 ന് ശേഷം ഇതാദ്യമായാണ് മിസൈലിലൂടെ ജപ്പാനിലേക്ക് ഉത്തര കൊറിയയുടെ പ്രകോപനമുണ്ടാകുന്നത്. ആര്ക്കും പരുക്കേറ്റിട്ടില്ലെന്ന് ഔദ്യോഗിക വൃത്തങ്ങൾ അറിയിച്ചു.
ഉത്തരകൊറിയയുടെ പ്രകോപനപരമായ നടപടി സംബന്ധിച്ച് ഹൊക്കൈഡു ദ്വീപിലുൾപ്പെടെ ജാപ്പനിസ് ഭരണകൂടം കടുത്ത മുന്നറിയിപ്പാണ് നല്കിയിരിക്കുന്നത്. ഉത്തര കൊറിയയുടെ പ്രകോപനത്തിന്റെ പശ്ചാത്തലത്തില് കിഷിദ അടിയന്തരമായി ദേശീയ സുരക്ഷാ കൗണ്സില് യോഗം വിളിച്ചു ചേര്ത്തു. അതേസമയം ഇത്തരത്തിലുള്ള അക്രമ സ്വഭാവത്തെ ശക്തമായി അപലപിക്കുന്നുവെന്ന് ജപ്പാന് പ്രധാനമന്ത്രി ഫുമിയോ കിഷിദ അറിയിച്ചു.