രാഷ്ട്രീയ പ്രവേശത്തിന് ഒരുങ്ങി തെന്നിന്ത്യൻ സൂപ്പർ താരം തൃഷ. താരം കോൺഗ്രസിൽ ഉടൻ ചേരുമെന്നാണ് തമിഴ് മാധ്യമങ്ങൾ നൽകുന്ന സൂചന. ജനസേവനത്തിലൂടെ രാഷ്ട്രീയത്തിൽ സജീവമായ നടൻ വിജയിയില്നിന്ന് പ്രചോദനമുള്ക്കൊണ്ടാണ് രാഷ്ട്രീയത്തിലിറങ്ങാനുള്ള താരത്തിന്റെ തീരുമാനമെന്നും റിപ്പോർട്ടുകളിൽ പറയുന്നു.
എം ജി ആർ, ജയലളിത, വിജയകാന്ത്, ഖുഷ്ബു, കമലഹാസൻ എന്നിവരാണ് തമിഴകത്തുനിന്ന് രാഷ്ട്രീയത്തിലിറങ്ങിയ മറ്റ് സിനിമാതാരങ്ങൾ. കോൺഗ്രസ് നേതാക്കൾ തൃഷയുമായി അനൗദ്യോഗിക ചർച്ച നടത്തിയതായാണ് സൂചന. എന്നാൽ ഇക്കാര്യത്തിൽ പാർട്ടിയോ തൃഷയോ വ്യക്തത നൽകിയിട്ടില്ല.
ബ്രഹ്മാണ്ഡ സിനിമ പൊന്നിയൻ സെൽവനാണ് തൃഷയുടെ ഉടൻ പുറത്തിറങ്ങാൻ ഇരിക്കുന്ന സിനിമ. ഇതിൽ ശക്തമായ കഥാപാത്രത്തെയാണ് തൃഷ അവതരിപ്പിക്കുന്നുണ്ട്. സെപ്റ്റംബറിൽ ചിത്രത്തിന്റെ ആദ്യഭാഗം തിയേറ്ററുകളിലെത്തും. അരവിന്ദ് സ്വാമിയുടെ സതുരംഗ വേട്ടൈ 2, അരുൺ വസീഗരൻ സംവിധാനം ചെയ്യുന്ന ദി റോഡ്, മലയാള ചിത്രം റാം എന്നിവയാണ് തൃഷയുടെ പുതിയ ചിത്രങ്ങൾ.