പതിനഞ്ചാം കേരള നിയമസഭയുടെ പത്താം സമ്മേളനത്തിന്റെ നയപ്രഖ്യാപന പ്രസംഗത്തില് ഗവര്ണര് ആരിഫ് മുഹമ്മദ് ഖാന് അവസാന ഭാഗം മാത്രം വായിച്ച് മടങ്ങി. നയ പ്രഖ്യാപനത്തിന്റെ അവസാന ഭാഗമായ ‘നമ്മുടെ മഹത്തായ പൈതൃകം, കെട്ടിടങ്ങളിലോ സ്മാരകങ്ങളിലോ അല്ല, ജനാധിപത്യം, മതനിരപേക്ഷത, ഫെഡറലിസം, സാമൂഹ്യനീതി എന്നിവ കാലാതീത മൂല്യങ്ങളോടും ഇന്ത്യന് ഭരണഘടനയുടെ വിലമതിക്കാനാകാത്ത പൈതൃകത്തോടും നാം കാണിക്കുന്ന ബഹുമാനമാണ്,’ എന്ന് പറയുന്ന ഭാഗമാണ് ഗവര്ണര് വായിച്ചത്.
ഗവര്ണര് തന്റെ ഏഴാമത്തെ നയപ്രഖ്യാപന പ്രസംഗമാണ് വായിച്ചത്. 63 പേജുകളുള്ള നയപ്രഖ്യാപന പ്രസംഗമായിരുന്നു ഗവര്ണര്ക്ക് നല്കിയിരുന്നത്.
ഒരുമിനുട്ട് മാത്രമാണ് ഗവര്ണര് പ്രസംഗിച്ചത്. പ്രസംഗം അവസാനിപ്പിച്ച് ഉടന് തന്നെ ഗവര്ണര് രാജ്ഭവനിലേക്ക് മടങ്ങുകയും ചെയ്തു.