വിമാനം തകര്ന്ന് ആമസോണ് കാട്ടില് അകപ്പെട്ട കുട്ടികളെ കണ്ടെത്തി. 40 ദിവസത്തിന് ശേഷമാണ് കുട്ടികളെ കണ്ടെത്തിയത്. ഒരു വയസുള്ള കുട്ടി അടക്കമുള്ള സഹോദരങ്ങളെയാണ് കൊളംബിയന് സൈന്യം ഉള്പ്പെടുന്ന രക്ഷാ ദൗത്യത്തില് കണ്ടെത്തിയത്.
കൊളംബിയന് പ്രസിഡന്റ് ഗുസ്താവോ പെട്രോയാണ് കുട്ടികളെ രക്ഷപ്പെടുത്തിയ കാര്യം ഔദ്യോഗികമായി ട്വിറ്ററിലൂടെ അറിയിച്ചത്.
മെയ് ഒന്നിനാണ് ഏഴുപേരുമായി സഞ്ചരിച്ച കൊളംബിയയുടെ സെസ്ന-206 ചെറുവിമാനം ആമസോണ് വനാന്തര ഭാഗത്ത് തകര്ന്നത്. കുട്ടികളുടെ അമ്മയും പൈലറ്റും ഉള്പ്പെടെ മൂന്ന് പേര് കൊല്ലപ്പെട്ടു. ഹ്യൂട്ടോട്ടോ വാസികളാണ് അപകടത്തില്പ്പെട്ടത്.
¡Una alegría para todo el país! Aparecieron con vida los 4 niños que estaban perdidos hace 40 días en la selva colombiana. pic.twitter.com/cvADdLbCpm
— Gustavo Petro (@petrogustavo) June 9, 2023
11 മാസം മാത്രം പ്രായമുള്ള ക്രിസ്റ്റിന്, 13 വയസുള്ള ലെസ്ലി, ഒന്പത് വയസുള്ള സൊളേമി, നാല് വയസുള്ള ടിന് നൊറില് എന്നിവരെയാണ് കാട്ടില് നിന്നും സൈന്യം കണ്ടെത്തിയത്. ഇവര് 40 ദിവസമാണ് വനത്തിനുള്ളില് അതിജീവിച്ചത്.
അപകടത്തില്പ്പെട്ട കുട്ടികള് ജീവിച്ചിരിപ്പുണ്ടെന്ന സൂചനകള് ലഭിച്ചതിന് പിന്നാലെയാണ് സൈന്യം തെരച്ചിലിനായി കാട്ടിലെത്തിയത്. കുട്ടികള് കമ്പുകളും ചില്ലകളും ഉപയോിഗിച്ച് നിര്മിച്ച താത്കാലിക ഷെഡും ഭക്ഷണാവശിഷ്ടങ്ങളും മറ്റും കണ്ടെത്തിയതോടെയാണ് കുട്ടികള് ജീവനോടെയുണ്ടെന്ന് ഉറപ്പിച്ചത്.
വിമാനം അപകടത്തില്പ്പെട്ട് രണ്ടാഴ്ചക്കിടെ രക്ഷാപ്രവര്ത്തകര് ഇവരെ കണ്ടെത്തിയെന്ന തരത്തില് വാര്ത്തകള് പ്രചരിച്ചിരുന്നു. എന്നാല് പിന്നീട് ഈ വാര്ത്തകള് തെറ്റാണെന്ന് പ്രസിഡന്റ് ഗുസ്താവോ പെട്രോ തന്നെ അറിയിച്ചു.