കേരളത്തിലെ പുതിയ നികുതി തീരുമാനങ്ങള്ക്കെതിരെ നടനും സംവിധായകനുമായ ജോയ് മാത്യു പരോക്ഷമായി വിമര്ശനം ഉന്നയിച്ചു. ഒരു ചുവപ്പന് സോഷ്യലിസത്തിലേക്കുള്ള പ്രയാണമാണ് ഇപ്പോൾ സഖാക്കളേ നമ്മള് കാണുന്ന സ്വപ്നം എന്നാണ് ജോയ് മാത്യു നികുതി പരിഷ്കാരങ്ങളെ പരിഹസിച്ചുകൊണ്ട് സമൂഹമാധ്യമങ്ങളിൽ പോസ്റ്റിട്ടത്.
മുണ്ട് മുറുക്കിയുടുക്കുന്ന പിന്തിരിപ്പന് ബൂര്ഷ്വാ മുദ്രാവാക്യങ്ങള് ഉപേക്ഷിക്കുക. പുതിയ നികുതിഭാരപ്പുലരിയിലേക്ക് ജനങ്ങളെ നയിക്കുന്ന രായാവിനെ സ്തുതിക്കുക. തിരുവാതിര കളിച്ച് വിപ്ലവത്തിൻ്റെ മുന്നണിപ്പടയാളികളാകാമെന്നുമാണ് ജോയ് മാത്യു ഫേസ്ബുക്കില് കുറിച്ചത്. അതേസമയം വിപ്ലവത്തിലേക്കുള്ള അതിവേഗ പാതയിൽ ജനങ്ങൾ വലിയ ത്യാഗം സഹിക്കേണ്ടതായി വരുമെന്നും അദ്ദേഹം കൂട്ടിച്ചേർത്തു.
ജോയ് മാത്യുവിൻ്റെ ഫേസ്ബുക് പോസ്റ്റ്
വിപ്ലവത്തിലേക്കുള്ള അതിവേഗ പാതയിൽ ജനങ്ങൾക്ക് നിരവധി ത്യാഗം സഹിക്കേണ്ടി വരും. ഒരു ചുവപ്പൻ സോഷ്യലിസത്തിലേക്കുള്ള പ്രയാണമാണ് സഖാക്കളെ ഓരോരുത്തരും കാണുന്ന സ്വപ്നം. അതിനാൽ മുണ്ട് മുറുക്കിയുടുക്കുന്ന പിന്തിരിപ്പൻ ബൂർഷ്വാ മുദ്രാവാക്യങ്ങൾ ഉപേക്ഷിച്ച് പുതിയ നികുതിഭാരങ്ങൾ നിറഞ്ഞ പുലരിയിലേക്ക് ജനങ്ങളെ നയിക്കുന്ന രായാവിനെ സ്തുതിക്കാം. തിരുവാതിര കളിച്ച് വിപ്ലവത്തിന്റെ മുന്നണിപ്പടയാളികളാകാം. അങ്ങിനെ മുതലാളിത്തത്തിനെതിരെ ഒറ്റക്കെട്ടായി ആഞ്ഞടിക്കാം ട്ടെ ട്ടെ ട്ടെ ……..
(അടികിട്ടിയോടുന്ന മുതലാളിത്തത്തിൻ്റെ
നിലവിളി ബാക്ക് ഗ്രൗണ്ടിൽ ).