യുഎഇയിൽ ബുധനാഴ്ച്ച മഴമേഘങ്ങൾ രൂപപ്പെടാൻ സാധ്യത. പകൽ സമയങ്ങളിൽ കിഴക്കൻ തീരത്ത് താഴ്ന്ന മേഘങ്ങൾ പ്രത്യക്ഷപ്പെടും. ഉച്ചയോടുകൂടി തെക്ക് – കിഴക്ക് ഭാഗങ്ങളിലായി സംവഹനമേഘങ്ങൾ രൂപപ്പെടാനും സാധ്യതയുണ്ടെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.
ചില തീരപ്രദേശങ്ങൾ രാത്രിയിലും വ്യാഴാഴ്ച്ച രാവിലെയും ഈർപ്പമുള്ളതായിരിക്കും. അതേസമയം നേരിയതോ മിതമായതോ ആയ കാറ്റ് പൊടിപടലങ്ങൾക്ക് കാരണമായേക്കാം. അറേബ്യൻ ഗൾഫിലും ഒമാൻ കടലിലും സ്ഥിതി നേരിയതോതിലായിരിക്കുമെന്നും നാഷണൽ സെന്റർ ഓഫ് മെറ്റീരിയോളജി അറിയിച്ചു.
