ആംസ്റ്റര്ഡാം:നെതര്ലന്ഡ്സിലെ വിക് ആന് സീയില് നടക്കുന്ന ടാറ്റ സ്റ്റീല് മാസ്റ്റേഴ്സ് ചെസ് ടൂര്ണമെന്റിനിടെ ഇന്ത്യന് ഗ്രാന്ഡ് മാസ്റ്റര് ആര്. വൈശാലിക്ക് ഹസ്തദാനം നല്കാന് ഉസ്ബെക്കിസ്താന് ഗ്രാന്ഡ് മാസ്റ്റര് നോദിര്ബെക്ക് യാകുബ്ബോവ് വിസമ്മതിച്ചതിനെച്ചൊല്ലി വിവാദം.
ഇതിന്റെ ദൃശ്യങ്ങള് സോഷ്യല് മീഡിയയില് വ്യാപകമായി പ്രചരിക്കുകയും വിവാദം ഉടലെടുക്കുകയും ചെയ്തതോടെ വിശദീകരണവുമായി യാകുബ്ബോവ് രംഗത്തെത്തി.താന് വൈശാലിയോട് അനാദരവ് ഉദ്ദേശിച്ചിട്ടില്ലെന്നും വൈശാലിയോടും അവരുടെ ഇളയ സഹോദരന് ആര്.പ്രഗ്നാനന്ദയോടും തനിക്ക് എല്ലാ ബഹുമാനവുമുണ്ടെന്നും മതപരമായ കാരണങ്ങളാലാണ് കൈകൊടുക്കാതിരുന്നതെന്നും യാകുബ്ബോവ് എക്സില് കുറിച്ചു.
തന്റെ പ്രവൃത്തി വൈശാലിക്ക് അപമാനകരമായെങ്കില് ക്ഷമ ചോദിക്കുന്നതായും യുകുബ്ബോവ് പറഞ്ഞു.ഇരുവരും തമ്മിലുള്ള നാലാം റൗണ്ട് മത്സരത്തിനു മുന്നോടിയായാണ് സംഭവമുണ്ടായത് മത്സരത്തില് യാകുബ്ബോവ് തോറ്റു.