തിരുവനന്തപുരം: നാടിനെ നടുക്കിയ കൊലപാതകത്തിൽ നടുങ്ങി കേരളം.ഇളയ മകൻ അഫ് വാനെ അഫാൻ കൊലപെടുത്തിയത് അറിയാതെ മകനെതിരെ മൊഴി നൽകാതെ ഉമ്മ. കട്ടിലിൽ നിന്നും വീണതാണെന്ന് ഉമ്മയുടെ മൊഴി. ഉമ്മയുടെ ആരോഗ്യ നിലയിൽ പുരോഗതിയുണ്ടെന്ന് ആശുപത്രി അധികൃതർ പറഞ്ഞു. അതേസമയം ആശുപത്രിയിൽ കഴിയുന്ന പ്രതി അഫാനെ ഇന്ന് വീണ്ടും ചോദ്യം ചെയ്യും.
അഫാന്റെ ആരോഗ്യനിലയിൽ പുരോഗതിയുണ്ടെങ്കിലും ഇന്നു കൂടി ആശുപത്രിയിൽ തുടരും. അഫാനെ കസ്റ്റഡിയിലെടുത്ത് വിശദമായി ചോദ്യം ചെയ്താൽ മാത്രമേ കൊലപാതക കാരണത്തെക്കുറിച്ച് കൂടുതൽ വ്യക്തത ലഭിക്കൂ എന്നാണ് പൊലീസ് പറയുന്നത്.
കൂട്ടക്കൊലപാതകത്തില്‍ പൊലീസ് കൂടുതല്‍ തെളിവ് ശേഖരണം തുടരും.
