ദുബായ്: ടാറ്റാ ഗ്രൂപ്പിന് കീഴിലുളള ഇന്ത്യയിലെ വൻകിട ജ്വല്ലറി ശൃംഖലയായ തനിഷ്കിന്റെ ഏറ്റവും വലിയ ഷോറൂം ദുബായ് ദേര ഗോൾഡ് സൂഖിൽ ആരംഭിച്ചു.5000 ചതുരശ്രയടിയിൽ വ്യാപിച്ചുകിടക്കുന്ന ഈ അത്യാധുനിക ഷോറൂം 1000ലേറെ അതിമനോഹര ഡിസൈനുകൾ അണിനിരത്തുന്നു.തനിഷ്കിന്റെ യുഎഇയിലെ ഏറ്റവും വലുതും ആഡംബരപൂർണവുമായ ഷോറൂമാണിത്.
തനിഷ്കിന്റെ ജിസിസിയിലെ പതിമൂന്നാമത് ഔട്ട്ലെറ്റാണിത്.പരമ്പരാഗത കലാരൂപങ്ങലെ സമകാലിക ചാരുതയുമായി സമന്വയിപ്പിച്ച് കരകൗശലത്തിന്റെയും ഗുണനിലവാരത്തിന്റെയും ഉപയോക്ത്യ സൗഹൃദത്തിന്റെയും പാരമ്പര്യം ഇവിടെ കാണാൻ സാധിക്കുമെന്ന് തനിഷ്കിന്റെ ഉടമസ്ഥതയിലുളള ടൈറ്റൻ കമ്പനി ലിമിറ്റഡിന്റെ ഇന്റർനാഷണൽ ബിസിനസ് സിഇഒ കുരുവിള മാർക്കോസ് പറഞ്ഞു.
ദൈനംദിനം ഉപയോഗിക്കാനുളള ആഭരണങ്ങൾ ബ്രൈഡൽ കളക്ഷൻസ് എന്നിവയുടെ വിപുലമായ ശേഖരം ഇവിടെ ഒരുക്കിയിടുണ്ട്. 25ലേറെ ഭാഷകളിൽ പ്രാവീണ്യമുളള 15ലധികം രാജ്യങ്ങളിൽ നിന്നുളള ടീമിന്റെ സേവനം തനിഷ്കിൽ എപ്പോഴും ലഭ്യമാണ്.
