പത്തനംതിട്ടയില്‍ തെരുവുനായ ആക്രമണത്തില്‍ ബിഗ്‌ബോസ് ഫെയ്മുമായ ഡോ. രജിത് കുമാര്‍ ഉള്‍പ്പെടെ മൂന്ന് പേര്‍ക്ക് കടിയേറ്റു. രാവിലെയാണ് പത്തനംതിട്ട നഗരത്തില്‍ നായയുടെ കടിയേറ്റത്.
പത്തനംതിട്ടയില്‍ മൂന്നിടങ്ങളിലായാണ് തെരുവുനായ ആക്രമണം ഉണ്ടായത്. രാവിലെ ഏഴ്മണിയോടെ കുമ്പഴയില്‍ വെച്ച് മലയാലപ്പുഴ സ്വദേശി രാജു എന്നയാള്‍ക്കാണ് നായയുടെ കടിയേറ്റത്. പിന്നീട് കണ്ണങ്കര ഭാഗത്ത് വെച്ച് മുരുകന്‍ എന്ന ഇതരസംസ്ഥാന തൊഴിലാൡും നായയുടെ കടിയേറ്റു.
സിനിമാ ഷൂട്ടിംഗിനെത്തിയതായിരുന്നു രജിത് കുമാര്‍. എട്ട് മണിക്ക് പത്തനംതിട്ട നഗരത്തിലെ അയ്യപ്പക്ഷേത്രത്തിനടുത്ത് വെച്ചാണ് ഡോ. രജിത് കുമാറിന് കടിയേറ്റത്. പ്രഭാതസവാരിക്കിടെയായിരുന്നു സംഭവം.
നായയുടെ ആക്രമണത്തില്‍ കടിയേറ്റ മൂന്ന് പേരും പത്തനംതിട്ട ജനറല്‍ ആശുപത്രിയില്‍ എത്തി പ്രതിരോധ വാക്‌സിന്‍ എടുത്തു. മൂവരെയും കടിച്ചത് ഒരേ നായയാണ് എന്നാണ് കരുതുന്നത്.
